AMSAL 30:2 - Susula Malalaok Hehelu Palak Ma Hehelu Beuk

² Au nggoak sama leo bana-manu; au dudu'a manadaing ta.

AMSAL 30:2 Referans Kwoze

MAZMUR 73:22

au amanggoa, de au ta alelak fa, au sama leo bana, nai O matam-ma.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

1 KORINTUS 8:2

Hataholi fo naedaenga malela na ba'u ka ndia, tunga ndo na hataholi ndia beita nalelak dede'a mademaina la fa.

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

AMSAL 5:12

Boema, neukose o mafa'da mae, “Ah, tao le'e de, au ta hii nanoli-nafa'dak fa? Tao le'e de, au tan au hataholi nasanggai au fa?

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

MAZMUR 49:10

fo ela nala mamates-sa deak, fo ana hapu naso'da losa dodoon-na.

AMSAL 12:1

Hataholi fo ana sue malelak-ka, ana hii ka'in; tehu hataholi fo ana ta nau ka'i fan-na, nde been-na hataholi nggoak.

AMSAL 30:1

Agur, fo Yake neme Masa mai, anan-na, ana kokolak dede'a-kokolak-kala nde ia: “Au sota-mangu, ou Manetualain, au sota-mangu! Basa au be'i-balakaing so!