AMSAL 3:6 - Susula Malalaok Hehelu Palak Ma Hehelu Beuk

⁶ Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

AMSAL 3:6 Referans Kwoze

AMSAL 16:3

Fe la'iesak o dale tutu'um-ma neu Manetualain, soona neukose o makalala'ok-kana te, neni buna-boak.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

YEREMIA 10:23

Manetualain, au bubuluk ta hapu hataholi esa boen nanuu koasa fo ana naketu ua-nalen do lelepos nalelak so'dan-na eno-dalan.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YESAYA 48:17

Israel Manetualain malalao-malalafun-na, ma o Manasoi-tefam-ma, nafa'da nae, “Au nde o Amam Manetualaim, fo namanenenanoli o, hata fo masosoa-ndandaak ba'eneu o, ma Ana hela-nole o, nai enok fo, o tungak-ka.

KOLOSE 3:23

Ladenu emi tao-no'i su'di tatao-nono'i beek ndia boe, ela leo bee na emi tao-no'in no dale katema tuak, nono'ka bai de emi malalau-maoono Lamatua ka nde ndia, te emi ta malalau-maoono ka'da hataholi daebafa ka fa.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

AMSAL 23:17

Boso mape'da dalek neu hataholi masala-masingok-ka. Tunga Manetualain tataas esa,

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

SEMUEL SUSULAK-KA ESAN-NA 30:8

Basa boema, Dauk natane Manetualain nae, “Au nuse u usi musu manasapuk sila-la do? Au usi tungas fo au hapus do ta?” Boema, Manetualain nataa nae, “Hei, usis leona; neukose o hapus, fo o moo falik basa hataholi nanafook-kala.”

YESAYA 45:13

Au nde adenu Kores, soaneu nakalala'ok Au dale tutu'ung-nga ma napadedeik natetu ndoos ma matetuk-ka. Neukose Au tao-a basa enok fo, ana tungan-nana, latetu Neukose ana nafofo'a falik Yerusalem, fo Au kotang-nga ma ana soi-po'i Au anang fo, nanafook-kala ta no doi sosolo dalek, ma ta no sese'ba-babaek fa.” Manetualain Fo Manakoasa, nde manakokolak-ka.

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

NEHEMIA 2:4

Boema manek-ka natane nae, “Da'di, o mahiik beek?” Au hule-haladoi nai au daleng dale neu Manetualain manakoasa nai nusa so'dak-ka,

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

BILANGAN 9:20

Tehu nasi'a ko'as ndia nai Lalaa Temak ndia lain ka'da faik de'ubee mesan. Leomae leobeek boe, Manetualain paletan-na nde naketu, ala leo lahele nai mamanak esa, do ala la'o.

NEHEMIA 7:5

Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

AMSAL 11:5

Ndoos ma matetuk-ka, tao natetetu hataholi malole-a, so'dan-na eno-dalan, tehu hataholi mangalauk-ka, neni aoinan-na leo nakalulutuk-ka neu.

YEREMIA 42:3

fo ela Amak Manetualain natu'du fe ami lo be neu fo ami muse meu, ma hata fo am muse tao-no'in.”

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.