AMSAL 3:2 - Susula Malalaok Hehelu Palak Ma Hehelu Beuk

² fo ela o hapu teu naluk, ma o so'dam-ma tetu-temak.

AMSAL 3:2 Referans Kwoze

AMSAL 4:10

Anang-ngonei, mamanene au! Taoafik matalolole, au nanoli-nafa'dang-ngala, soona neukose o teum-ma namanalu.

AMSAL 9:11

Manatee-tenok-ka ana fe o teu fai manalu.

MAZMUR 91:16

Neukose Au fen namahokok nenik teu manalu, ma Au soi-tefa-alan.”

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

MAZMUR 128:6

Ela leo bee-na, o teum-ma namanalu, fo o mita o upu-anam! Ela leo bee-na, Manetualain anan-nala so'da-molek!

MAZMUR 119:165

Hataholi manasue-lai O hoholo-lalanem-ma, nee-nee lino-linok ma tetu-temak, ma ta hapu hata napanggengge fas.

AMSAL 10:27

Fe ha'da-holomata neu Manetualain soona, neukose o maso'da maladook-ka; hataholi mangalauk-ka maten, te fain-na beita losa fa.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

ROMA 5:1

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus.

MAZMUR 21:4

O mai neun no baba'e-papala manasasi kao-kaok-ka, ma O tao ti'ilanga lilopilas-sa neu langan lain.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

YESAYA 32:17

Basa hataholi-la, neukose tao hata fo la'en, nalosa hapu so'da-molek ma tetu-temak losa dodoon-na.

AYUB 5:26

Nono'kabai, ketu-kolu gandum tasak-ka, la'e fain-na, neukose o so'dam-ma boeo, so'da-la'dak, losa o fai lasim-ma.

ULANGAN 11:21

Soona, neukose emi ma emi anam-mala, hapu fai naluk-le'do loak nai nusak fo, emi Manetualaim-ma helu basa, Ana fen leo emi bei-ba'i kaim-mala neu. Nai lelek lalai-a bei nai daebafak-ka lain, nai lelek ndia boeo, neukose emi bei leo nai nusak ndia.

1RAJA-RAJA 3:14

Ma metema o sama leo o amam Dauk, fo ana tunga Au boema ana tunga Au hoholo-lalaneng soona, neukose Au fe o fai nalu-le'do loak.”

AMSAL 16:31

Hataholi manatao tunga ndoon-na, neukose ana hapu teu naluk; langadoo mofan-na, sama leo ti'ilanga mana'ahiik-ka.

ULANGAN 5:32

Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.

AMSAL 4:4

au amang nanoli au. Ana nafa'da nae, “Mafandendelek au nanoli-nafa'dang-ngala, fo boso mafandele henis makandondook. Makalala'ok au natutu'dung-ngala, fo ela o so'dam-ma naua-nanale.