AMSAL 3:10 - Susula Malalaok Hehelu Palak Ma Hehelu Beuk

¹⁰ soona neukose o sokam-mala, henus no gandum-ma, ma neukose o angom-mala oen-nala sasi beekao, nalosa ta hapu mamanak soaneu pe'da-fua fas.

AMSAL 3:10 Referans Kwoze

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

ULANGAN 28:8

Neukose emi Manetualaim-ma, fe baba'e-papalak neu emi ue-le'dim lala'en-na, ma nadai nahenu emi sokam-mala nenik gandum. Neukose Ana fe emi baba'e-papalak nai Ana fe emi nusak-ka.

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

YOEL 2:24

Boema, neukose gandum henu mamana fepa gandum-ma seluk, angol ma mina setun-na, neukose sasi kao-kao losa ala lua daba-daba neme mamana kaka'bin-na mai.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

HAGAI 2:19

Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

MAZMUR 144:13

Ela leo bee-na, ita gudang-ngala henuk no nana'a-nininuk. Ela leo bee-na, bi'ilopo manai ita moon-nala ala bongi, fo anan-nala losa lifu-lifun.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

2TAWARIKH 31:10

imam matuaina Azarya fo Zadok tititi-nonosin nafa'da nae, “Lelek laun-nala leni sila boa-boa-nala leo Manetualain Uma mai boema, ami ta to'a-taa nana'a-nininuk nakalenak dai ma lena, nalosa ami nana'a-nininum fo nanasadiak-kala, bei makadotok. Ami sipo basa sila-la nanahu Manetualain ba'e-pala anan-nala.”