AMSAL 26:5 - Susula Malalaok Hehelu Palak Ma Hehelu Beuk

⁵ Natatane nggoak-ka, muse nataan nenik natataa nggoak boe, fo ela manamatanek-ka, name'da nae ndia ta malelak, sama leo dale dodoon-na fa.

AMSAL 26:5 Referans Kwoze

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

AMSAL 28:11

Hataholi kamasu'i-makabetek-ka, name'da aoinan-na manatee-tenok, tehu, hataholi nuu-taa hata taak fo, dale malole-a, bubuluk see ndia.

TITUS 1:13

Nabi ndia hala-kokolan sila la, memak tete'e ka leondiak. Hu ndia de, o muse kena ka'is no balakaik; fo ela ala ho'u lahele nanoli ndo sa,

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

YOHANIS 8:7

Tehu lakaseti lahelen boema, Ana so'uk langa na de nafa'das nae, “Emi see ka nde name'da nana, ndia salan ta soona, ndia nde pia nakahuluk inak ndia ninik batu.”

AMSAL 26:12

Hataholi fo, nggoan-na seli, malole lena neme hataholi fo, nafa'da nae ndia hataholi malelak.

AMSAL 26:4

Hataholi fo nataa hataholi panganaa natatanen-na soona, ngoan-na sama no hataholi ndia.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

AMSAL 26:6

Madenu hataholi nggoak-ka, fo ana haitua halak soona, sama no ana tao nala'di ein-na, ma ana sanga soe.