AMSAL 26:21 - Susula Malalaok Hehelu Palak Ma Hehelu Beuk

²¹ Sama leo ha'ikaak-ka no ai-a, tao-la ha'i-a pila nahele; leondiak boe, hataholi fo, ana hii ka'da nale'a-napilik-ka, ana taon-na nale'a-napilik-ka namahana nakandoo.

AMSAL 26:21 Referans Kwoze

AMSAL 29:22

Hataholi fo, namanasa lai-lai-a, taon-na hataholi ba'uk-ka lale'a-lapilik, fo lasala-lasingo.

AMSAL 15:18

Hataholi fo namanasa lai-lai-a, nakadada'dik nale'a-napilik, tehu hataholi fo, ta haelai namanasa fa, neni mole-dame.

AMSAL 30:33

Nana, metema o dopok kapaoe-a soona, mantega kalua. Metema, o fepa hataholi panan soona, daak-ka kalua. Metema, o mafofo'a nasa-meluk soona, o nai nale'a-napilik-ka dalek.

AMSAL 10:12

Nape'da dalek-ka neninin-na, nale'a-napilik; susue-lalaik-ka fe do'o do ampon neu basa salak-kala.

MAZMUR 120:4

Ninik palani tatibatu esa, kokouisi matanen-na, ma nenik ha'ikaak manapila lo'a-lo'ak-ka!

1RAJA-RAJA 12:20

Nai lelek basa laun Israel-la lamanene lae Yerobeam fali ma'in neme Masir mai so, boema ala laloon leo buaok esa neu, de ala so'un da'di mane Israel. Ka'da leo Yehuda laun-na mesa kasa nde lilineka lahele Dauk tititi-nonosin-nala.

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”