AMSAL 26:12 - Susula Malalaok Hehelu Palak Ma Hehelu Beuk

¹² Hataholi fo, nggoan-na seli, malole lena neme hataholi fo, nafa'da nae ndia hataholi malelak.

AMSAL 26:12 Referans Kwoze

AMSAL 29:20

Hataholi nggoa-panganaa namahehenan-na, ba'uk-ka lena neme hataholi fo ana kokolak, te ana ta dudu'a-dodoo nakahuluk fa.

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

AMSAL 28:11

Hataholi kamasu'i-makabetek-ka, name'da aoinan-na manatee-tenok, tehu, hataholi nuu-taa hata taak fo, dale malole-a, bubuluk see ndia.

NINITAK 3:17

Emi mafa'da mae, ami kamasu'ik ma basa-basan manadaik. Da'di ami ta kulang hata-hata fa. Tehu emi ta bubuluk fa te, emi maleu-malaak manseli ma emi ha'da-tataom susa nanseli! Emi nuu ta-hata tak, makaholak, ma pokek.

MATEOS 21:31

Na, neme ni'iana kaduak sila la mai a, see ka nde tao tunga, aman hihii-nanaun?” Malanga ima mala ma lasi-lasi Yahudi la lataa lae, “Ana ulu ka”. Boema Yesus nafa'das nae, “Mamahele, te neukose Mana susu bea la, ma ina mana sosoa piao kala, ala da'di Manetualain hataholi kamahehele nala, lakahuluk leme emi mai.

AMSAL 26:5

Natatane nggoak-ka, muse nataan nenik natataa nggoak boe, fo ela manamatanek-ka, name'da nae ndia ta malelak, sama leo dale dodoon-na fa.

LUKAS 18:11

Hataholi Farisi ndia napadeik mesa kana ma ana hule-haladoi nae, ‘Ou Manetualain, au oke makasi neu O, nana au ta sama leo hataholi fe'e kala, fo mana tenepetak, mana po'de-paik, do mana hohongek fa. Au oke makasi, nanahu au ta sama leo manasusu bea ndia fa.

LUKAS 7:44

Boema Yesus mete leo inak ndia neu ma nafa'da Simon nae, “O mete mitak inak ia dei? Au mai leo o umam mai, te o ta sadia oe soaneu tao balisi Au ei nga fa. Tehu inak ia tao balisi basa Au ei nga ninik luu oe na, ma ana lose nama'dan ninik langa doo na.

AMSAL 26:16

Tou pelatua, nafa'da nae ndia manatee-tenon-na, lena neme hataholi hitu, fo ala fe natataak-ka, la'en

AMSAL 22:29

O mita hai, hataholi malelak-ka tao ue-le'din so do beik? Neukose, ala fe hataholi ndia, naue-nale'di nai manek-kala uma manen-na, te ta nai hataholi laun-na uman fa.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

YOHANIS 9:41

Boema Yesus nae, “Leo uni ka emi pokek soona, emi ta tao sala-singok fa. Tehu hu ka nde emi mafa'da mae, ‘Ami mita,’ soona dede'ak ndia sosoa na nae, emi hataholi bei masala-masingo kala.”

AMSAL 12:15

Hataholi nggoak-ka, ana dodoo nae, ana beita tao nita salak fa, tehu hataholi manatee-tenok-ka, ana hii namanene nanoli-nafa'dak.

AMSAL 28:26

See dalen-na namatua neu hahapu mesan-na soona, ta nanuu dudu'a-aafi neulauk fa. See tunga hataholi manatee-tenok-ka, nanolin-na soona, neukose naso'da.

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!