AMSAL 24:9 - Susula Malalaok Hehelu Palak Ma Hehelu Beuk

⁹ Hataholi nggoak-ka, malela tipu-dain-na nde been-na sala-singok. Hataholi fo, nakamuu-nakadau hataholi fe'ek tataas esa, su'di see boe, nape'da dale nasak-kana fa.

AMSAL 24:9 Referans Kwoze

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

HATAHOLI 8:22

Hu ndia de tu'u-tapaheni o dudu'a-aafi mangalaum ndia leona, fo moke neu Lamatua ka fo daenga Ana fe do'o do ampon neu o dudu'a-aafi manga laum ndia!

MATEOS 9:4

Yesus bubuluk mesen sila la dale nala, de nafa'das nae, “Te tao le'e de emi mape'da dudu'a-aafi mangalauk leondia ka?

AMSAL 29:8

Hataholi fo, ana hii nakamuu-nakadauk-ka, ana tao tasi'bu kota, tehu, hataholi manatee-tenok-ka, tao natenak heni nasa-meluk-ka.

AMSAL 24:8

Hataholi fo, ana tutu'u eno mangalauk tataas esa, neukose loken lae, hataholi manatao tasi'bu.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

AMSAL 23:7

Nana, neukose nafa'da nae, “Mai mu'a; fo tama seluk,” te se'kona, dudu'an-na tee-tee tutu'dan ta leondiak fa. Hala-kokolan makeek, tehu dalen-na fe'ek.

AMSAL 22:10

Usi heni hataholi fo, ana nau nakamumulu-nakamamaek hataholi, soona nale'a-napilik ta, esa ta musu no esa, ma esa ta nakamuu-nakadau esa so'on.

MAZMUR 119:113

Au sue-lai O hoholo-lalanem, au ta ahiik hataholi fo, ana lilineka neu O, ta no dale katematuan-na fa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

AMSAL 9:7

Metema hataholi fo ta nau nanoli-nafa'da fan soona, o matu'du salan-na, soona neukose ana hika-hume o. Metema o mamanasa hataholi mangalauk-ka soona, neukose ana dodoki-aali o.

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.