AMSAL 24:12 - Susula Malalaok Hehelu Palak Ma Hehelu Beuk

¹² O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.

AMSAL 24:12 Referans Kwoze

AYUB 34:11

Ana balas hataholi daebafak-ka, nandaa no tatao-nono'in ma Ana taon nandaa no ha'da-paliin.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

ROMA 2:6

Nana neukose Manetualain balas hataholi esa-esak, nandaa no tatao-nono'i nala.

AMSAL 21:2

Hataholi-a esa-esak tatao-nono'in, fafa'kama malole, tunga ndia mesak-kana mata memeten-na, tehu Manetualain nde fola dalen-na tetee-tutu'dan.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

MAZMUR 121:3

Neukose, Ana ta po'ilotak au tu'u u fa, nana, au manamasulu-mahapang, nanea au tataas esa.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

NINITAK 22:12

Yesus nae, “Taoafik neu dede'ak ia leona! Ta doo ka so'on te neukose Au mai uni ngga'di soaneu bae hataholi a esa-esak tunga hata fo ana tao-no'i nana.

NINITAK 2:18

“Neu ata nusa so'da salanik manai Tiatira la, sulakman leoiak: Ia nde hala heheluk neme Manetualain Anan, fo mata na pila lo'a-lo'a sama leo ha'i a, ma ei na pila lo'a-lo'a sama leo liti nanahotu ka.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

ROMA 2:16

Mahani te neu faik fo Manetualain naketu basa ka te, neukose ana da'di tao leondiak, nai faik ndia, tunga Hala Malole fo au tui-benga ka, neukose Manetualain naketu-nala'di basa hata nananafunik nai hataholi a dalen dale ma dudu'a-aafi na dalek, tunga Yesus Kristus.

HATAHOLI 17:28

Sama leo hataholi la lafa'da basan lae, ‘Ita taso'da ma ita takababale nai daebafak ia, nana Manetualain koasa na.’ Sama leo emi hataholi mana tao binim de'ubee lafa'da lae, ‘Ita basa-basa tala nde bee na, Manetualain anan.’

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

YEREMIA 32:19

O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

MAZMUR 66:9

Ana nanea basa ami so, fo ela ami maso'da mahele, ma Ana ta po'ilotak ami tu'u meu fa.

MAZMUR 44:21

Leounik-ka, ami ta sene-do'ok seluk neu Manetualain fa, te ami hule-haladoi neu lamatua daebafak fa'ek soona,

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.

SEMUEL SUSULAK-KA ESAN-NA 2:6

Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.

MAZMUR 94:9

Manetualain nde tao di'idook-ka, ade ta namanene fa do? Ndia nde tao matak-ka, ade ta nita fa do?

AMSAL 12:14

Hataholi-a esa-esak hapu huhukuk, nandaa no dede'a-kokolan ma tatao-nono'in; esa-esak hapu sese'ba-babaek fo kandaak.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

AMSAL 16:2

Fafa'kama nai hataholi-a mata memeten-na dalek, basa tatao-nono'in malole, tehu Manetualain nde fola dale tutu'un-na.

RATAPAN 3:36

nanahu ala puta-paik ndoos ma matetuk-ka soona, tao leo bee-o Manetualain bubuluk ma Ana taoafik-kana.