AMSAL 23:6 - Susula Malalaok Hehelu Palak Ma Hehelu Beuk

⁶ Boso mu'a sama-sama moo, hataholi malitua. Boeo, boso mahiik nana'a mala'dan-na.

AMSAL 23:6 Referans Kwoze

AMSAL 23:3

Boso no lai-laik, mu'a nana'a mala'da, fo ana sadiak-ka, te fafa'kama, sanga nakahihi'ik o ndia.

MAZMUR 141:4

Madook au, neme hihii-nanauk fo tao tatao-nono'i mangalauk-ka mai. Boso po'ilotak au, fo au akabubua o hataholi malelesik-ka ma au u'a sama-sama os, nai sila feta-doten.

ULANGAN 15:9

Manea matalolole, fo boso nalosak emi dodoo nai emi dalem dale, mae leo ia: teuk fo kokaheni huta-bu'uk-kala, ana deka so, de emi ta nau fen tona doik fa. Boso makaboboi dudu'a-aafi mangalauk ndia, nai emi dalem dale. Metema, emi ta nau fe hataholi ndia, ana tona doik fa, boema naloo bou-bou neu Manetualain, fo ana kalaak emi, soona neukose emi hapu salak.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

AMSAL 28:22

Hataholi tene petak-ka, nahiik namasu'i lai-lai; tehu ta name'da nae nuu-taa hata-taak-ka, no lai-laik tunin-na aoinan-na fa.

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

ULANGAN 28:56

Nakalenak, ina manefetoana fo, dale-ha'dan malole nanseli, ma namasu'i atu-atu, nalosa ana beita la'o eik nita fa, tehu neukose ana tao sama leo manefetoa-nala, tataon ndia boe. Nai lelek fo, musu-a nakahapi-na kota-a, neukose ketu inak sila-la namahehenan-nala, nanahu la'a-ndoes-sa, nalosa no nafufunik, na'a seluk ana nanabongi beun-na no funin-na. Ana ta fe saotou susuen-na, ma anan fo bei maso'dak-kala, faa anak boen.

MARKUS 7:22

hohonge, ke'dindiu, nakasasa'ek dede'ak, boema ana tao-no'i basa hata mangalauk lala'ena, ma ana da'di hataholi mana dale-he'di hata, ta nanuu ha'da-holomata, nape'da dalek, koao-ndaeaok, ma nanoli doa kana.