AMSAL 23:10 - Susula Malalaok Hehelu Palak Ma Hehelu Beuk

¹⁰ Boso lali heok dae too pusaka, do kisa-anamaak dae toon-na.

AMSAL 23:10 Referans Kwoze

AMSAL 22:28

Boso laliheok dae too, fo o bei-ba'i kaim naketu basak-ka so.

ZAKHARIA 7:10

Boso tuni-ndeni inafalu-la, anamaak-kala, hataholi nusa dea manaleo nai emi nusam dale, do su'di see fo nai susa dalek. Ma boso tutu'u eno mangalauk soaneu emi nonoo hataholim-ma.’

ULANGAN 27:17

‘Nanasoo-supak ba'eneu hataholi fo, ana nakano'dok dae too no titia-tatain-na.’ Hataholi Israel-la lataa lae, ‘Tete'ek-ka!’ ‘Amin!’

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

ULANGAN 19:14

“Metema emi losa nusak fo, emi Manetualaim-ma fe emi nusak-ka soona, emi boso makano'dok emi too-lanem mo emi titia-tataim fo, nananaketu basak neme makahulun eli mai so.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

YEREMIA 7:5

Tuka emi so'dam-ma, ma emi ha'da-tataom. Esa tao ndoos ma matetuk neu esa.

MAZMUR 94:6

Ala taolisa faluina anamaak-kala, ma ala tuni-ndeni hataholi nusa dea fo, manaleo nai nusak ia.

AYUB 22:9

Ta ka'da, o ta tulu-fali inafalu-la fa, te o tuni-ndeni kisa-anamaak-kala boe.

AYUB 6:27

Nakalenak, emi tu'u batu, soaneu ni'iana kisa-anamaak-ka, ua-nalen, emi ke'di-ndiu, emi tia-lai malolem-ma, fo emi mamasu'i.

AYUB 24:9

Hataholi mangalauk-ka ana tao ni'iana ina-ama taak-ka, da'di ndia atan, ma anaho'i-na hataholi nuu-taa hata-taak fo, nahuta neun-na, ana bongi beun-nala.

KELUARAN 22:22

Boso tao su'di bebe'ik-ka neu faluina do anamaak.

AMSAL 15:25

Neukose Manetualain tao natu'u, hataholi manakoao-ndaeaok-ka uman-na, tehu Ana nasulu-nahapa inafalu esa dae pusakan-na.

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.