AMSAL 22:4 - Susula Malalaok Hehelu Palak Ma Hehelu Beuk

⁴ Hataholi fo, namahele neu Manetualain ma nakaloe-nakadae aoinan-na, neukose naua-nanale, tetu-temak ma nanafe ha'da-holomata.

AMSAL 22:4 Referans Kwoze

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

AMSAL 21:21

See sanga enok, fo ela ndoos ma matetuk-ka, nananakalala'ok soona, neukose ana hapu so'da-molek, ha'da-holomata ma teu naluk.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

AMSAL 3:16

Manatee-tenok-ka, ana fe o teu naluk, su'i-betes ma ha'da-holomata.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

YESAYA 33:6

ma Ana fe anan-nala, latapo'i leme soe-a mai. Hata fo, manasoi-tefa-nala sila nde been-na, nde manatee-tenok-ka, ma malelak-ka, boema fe ha'da-holomata neu Manetualain.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

AMSAL 21:20

Hataholi manatee-tenok-ka, tetu-temak ma namasu'i nahele,; tehu hataholi nggoak-ka dodolo-didilo hata-heton

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

AMSAL 22:5

Meobesi ma hihi'ik-ka, nai hataholi manatao peko-pakik-ka, enon-na; metema, o nau maso'da soona, madook aoinam-ma neme basa sila-la mai.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

AMSAL 31:30

Mata-pana makeek-ka ta hapu namahehelek, ma mata mana'a neukose mopon; tehu inak fo namahele neu Manetualain nandaa hapu kokoa-kikiok.

DANIAL 4:36

Lelek au dudu'a-aafing fali ma'in boema, Ana fe falik au nusang-nga matua-mademan ma nananita-nalelan leo au mai. Au hataholi mana'a ngga'ding-ngala ma hataholi matua-mademang-ngala sipok au, de ala fe falik au leo au nusang-nga neu, nakalenak au matua-mademang namatua lena heni makahulun-na.

AMSAL 19:23

Fe ha'da-holomata neu Manetualain, soona o so'dam-ma naua-nanale; ma neukose, o mame'da dai-ma lena, ma o matapo'i meme soe-a mai.