AMSAL 21:8 - Susula Malalaok Hehelu Palak Ma Hehelu Beuk

⁸ Hataholi masalak-ka, enon-na dopelele'u; ma hataholi malole-a, naso'da tunga ndoon-na tataas esa.

AMSAL 21:8 Referans Kwoze

AMSAL 2:15

Ala ta tao tunga ndoon-na fa, ma ala la'ok sala eno ndoos-sa.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

HATAHOLI 15:9

Manetualain ta bibinga-baba'e ita to sila fa. Ana tao nalalao-nalalafu hataholi sila la dale nala nana lamahele.

MATEOS 12:33

“Ai huu na nalole soona, neukose naboa boa malole. Metema ai huu na ta nalole fa soona, neukose boa na boeo ta malole a fa. Ita bubuluk ai esa nalole do ta nalole, neme ai ndia boa na mai.

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

PENGKHOTBAH 9:3

Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

PENGKHOTBAH 7:29

Ka'da au hapuk-ka nde ia: Manetualain tao-na ita ta lenak ma ta kulang fa, te biasa. Tehu ita nde tao pula-pali ma dopelele'u ita aoinan-na.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

AMSAL 15:26

Manetualain ta hii dale tutu'u mangalauk-ka fa, tehu dede'a-kokolak malole-a, nandaa no dalen-na.

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

AMSAL 21:9

Leo nai uma hunuk-ka bu'un-na, malole lena neme leo uma esa no saoinak fo, ana hii ka'da nale'a-napilik.

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.

YESAYA 59:8

Emi ta sanga enok, soaneu mole-dame-a fa, ma basa emi tatao-nono'i mala, ta tunga ndoos ma matetuk-ka fa. Emi enom-ma dopelele'u, de hataholi manala'ok tunga enok ndia, neukose ta naua-nanale fa.