AMSAL 21:2 - Susula Malalaok Hehelu Palak Ma Hehelu Beuk

² Hataholi-a esa-esak tatao-nono'in, fafa'kama malole, tunga ndia mesak-kana mata memeten-na, tehu Manetualain nde fola dalen-na tetee-tutu'dan.

AMSAL 21:2 Referans Kwoze

AMSAL 16:2

Fafa'kama nai hataholi-a mata memeten-na dalek, basa tatao-nono'in malole, tehu Manetualain nde fola dale tutu'un-na.

AMSAL 16:25

Hapu enok fo meten soona ndoos, tehu mate'en-na, enok ndia leo mamates-sa neu.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

AMSAL 24:12

O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

MAZMUR 36:2

Sala-singok-ka, ana kokolak nai hataholi mangauk-ka dalen dale nae, ana tabii-amata'u neu Manetualain makandondook fa.

GALATIA 6:3

Metema hataholi esa naedaenga ndia hataholi nananita-nalelak, te see ko na ta, soona hataholi ndia nasapepeko seluk ao ina na.

AMSAL 20:6

Hataholi ba'uk-ka manaku aoinan-na nde been-na, tia-laik, tehu susa la'iesak-kana, hapu manalilinekak no te'e-te'ek-ka.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

AMSAL 12:15

Hataholi nggoak-ka, ana dodoo nae, ana beita tao nita salak fa, tehu hataholi manatee-tenok-ka, ana hii namanene nanoli-nafa'dak.

AYUB 31:6

Nemen-na, fo Manetualain tai au, nai tatais matetuk lain, soona neukose, Ana bubuluk, nae au salang ta.

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

DANIAL 5:27

nanataik, Ama Manek nanatai basak so, de Ama Manek belan-na ta dai fa;