AMSAL 21:16 - Susula Malalaok Hehelu Palak Ma Hehelu Beuk

¹⁶ Hataholi fo so'dan-na, ta tunga enok malole-a fa soona, tao leo bee-o, neukose ana losa, hataholi manamatek-ka daebafan-na.

AMSAL 21:16 Referans Kwoze

IBRANI 10:38

Ma Au hataholi kamaheheleng fo ndo sa, neukose namahele ma naso'da; tehu metema hapu nai sila tala'da ala fali deak, soona neukose Au ta sue fan.”

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 49:14

Hataholi fo, nasalai dean-na neu aoinan-na, ua-nalen leondiak, ma hataholi fo name'da hala-kokolan dai soa, maso'dan nai fai manamaik-ka leondiak boe.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

EFESUS 2:1

Makahulu na emi mate tunga samane ka, nana emi masala-masingo ma emi la'o lena Manetualain paleta nala.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 9:18

Sila fo manada'di ndia nana'an-na ala ta bubuluk lae hataholi fo mana leu donge nana latongo lo fai mamaten-na nai ndia; ma sila fo manaleu lo uman dale, besak ia lai hataholi manamatek-kala daen-na so.

AMSAL 2:13

Ala ta nau tunga maso'dak malole-a, eno-dalan fa; ala tunga eno makahatuk fo henuk no sala-singok-ka.

AMSAL 11:19

See manggate tao malole soona, neukose naua-nanale; see dalen-na natea soaneu tao mangalauk soona, neu leo mamates-sa neu.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

AMSAL 5:23

Ana mate, nanahu ana ta sipok nanoli-nafa'dak fa. Nggoan-na, non leo nakalulutuk-ka neu.

AMSAL 19:16

Hataholi manatunga Manetualain paletan-na, neukose naso'da, tehu hataholi fo, ana ta taoafik neu fan-na, neukose maten.