AMSAL 21:11 - Susula Malalaok Hehelu Palak Ma Hehelu Beuk

¹¹ Huhukuk ba'eneu hataholi manahakinonolik-ka, da'di nanolik ba'eneu hataholi nggoak-ka, ma metema, fe hataholi manatee-tenok-ka nanolik soona, neukose ana hapu malelak.

AMSAL 21:11 Referans Kwoze

AMSAL 19:25

Metema, hataholi manakoao-ndaeaok-ka, nanahukuk soona, hataholi dudu'a-aafi taak-ka hapu nanolik. Metema, hataholi dale malole-a, hapu kena-ka'ik soona, ana boetai da'di hataholi manatee-tenok.

AMSAL 18:15

Hataholi dale malole-a maa ma'da malelak-ka tataas esa; hataholi manatee-tenok-ka, ana hii hapu nanolik tataas esa.

AMSAL 9:9

Metema o manoli-mafa'da hataholi manatee-tenok-ka soona, neukose ana da'di manatee-tenok lena seluk bai. Ma metema o manoli-mafa'da hataholi fo ana tunga Manetualain paletan-na soona, malelan-na boe tama seluk.

HATAHOLI 5:5

Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

AMSAL 15:14

Hataholi manatee-tenok-ka, ana sanga malelak; tehu hataholi nggoak-ka, puselaipana no tatao-nono'i nggoa-panganaan-na.

AMSAL 1:5

No nanoli-nafa'dak ia-la, de hataholi manatee-tenok-ka boeo, neukose malelan-na boe tama, ma hataholi manasakola basak-ka, neukose ana hapu hehela-nonolek.

ULANGAN 21:21

Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

ULANGAN 13:11

Boema, basa leoina Israel-la lala'en-na, neukose lamanene la'eneu kanisak ndia, fo ala bii-lamata'u, nalosa hataholi esa boen, ta napalani tao tatao-nono'i mangalauk ndia so'on.

BILANGAN 16:34

Basa hataholi Israel manai sila-la, lamanene ala nggasi. Boema hataholi Israel-la lalai, ma laloo bebou lae, “Talai, te boso nalosak dae ko'don-na ita!”

AMSAL 9:7

Metema hataholi fo ta nau nanoli-nafa'da fan soona, o matu'du salan-na, soona neukose ana hika-hume o. Metema o mamanasa hataholi mangalauk-ka soona, neukose ana dodoki-aali o.