AMSAL 20:1 - Susula Malalaok Hehelu Palak Ma Hehelu Beuk

¹ Ala-lalu-a, taon-na hataholi-a da'di malela ha'da tak ma manatao tasi'bu. Hataholi fo ninu losa ana mafuk soona, hataholi nggoak ndia.

AMSAL 20:1 Referans Kwoze

HOSEA 4:11

Manetualain nafa'da nae, “Hai, Au anang-ngala lemin, nau angol palaak do angol beuk boe, ana tao namopo emi dudu'a-aafi neulaum-ma so.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

AMSAL 31:4

Mafandendelek, Lemuel! Ba'eneu manakoasa, ta nandaa ninu angol, ma nininu ala-lalu boe.

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.

GALATIA 5:21

boema nape'da dale ka, mana mafuk, feta-dote, ma bei nggelok seluk bai. Hu ka nde basa dede'ak sila la de, besak ia au fe emi nasanene'dak sama na leo makahulu na boeo, au fe emi nasanene'dak ae, basa hataholi mana tao-no'i tatao-nono'i leondia ka, neukose ana ta da'di lima-eik nai Manetualain hataholi kamahehele nala dalek fa.

2 SEMUEL 11:13

Boema na'a, de Dauk fen ninu ala-lalu, nalosa ana mafuk. Tehu, le'odaek ndia boeo, Uria ta fali leo uman-na neu fa, te ana bela lafan-na, de ana sungu neu lain neme manamanea uma manek-ka, kaman dale.

YESAYA 56:12

Manamafuk sila-la, lafa'da lae, ‘Mai fo, ata tinu angol, ma tinu losa takabete! Neukose, balahaa te, malole lena neme faik ia mai!’ ”

YESAYA 5:22

Soe ba'eneu emi fo, nai uluk nai nininu angol-la dalek! Emi hataholi mapalanik ma anseli, metema muse sese'dok ala-lalu!

HOSEA 7:5

Nai faik manek-ka fetan-na, ala fe manek-ka no manapaletan-nala linu angol losa ala mafuk, de ala tao tatao-nono'i nggoak. Mate'en-na manek-ka namahoko-setelee no basa hataholi manadea-dalek sila-la.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

AMSAL 23:20

Boso leo-mapalasa moo hataholi manamafuk, do hataholi tenepetak,

HABAKUK 2:5

Su'i-betes ndia, ana ke'di-ndiu hataholi-a do'e-do'e. Hataholi manatenepetak ndia koao-ndaeao ma ana hela-hae. Sama leo mamates-sa, ndia boeo ta neme'da dai fa. Natona-na leoina esa; fo basa soona leoina esa seluk.

YESAYA 5:11

Soe ba'eneu emi! Emi ue-le'dim neme fafaik losa le'odae, nde ka'da minu ala-lalu fo mafuk.