AMSAL 2:1 - Susula Malalaok Hehelu Palak Ma Hehelu Beuk

¹ Au anang-ngonei, sipo-ma au nanoling-ngala, ma mafandendelek tataas esa, neu au nanoli-nafa'dang neu o-a.

AMSAL 2:1 Referans Kwoze

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

AMSAL 1:3

Nanoli-nafa'dak ia-la, lanoli tao leo beek, fo hataholi-a hapu naso'da da'di leo manatee-tenok, tao tunga ka'da ndoon-na, ndoos ma matetuk.

AMSAL 4:1

Hai, anang-ngala lemin, mamanene emi amam nanoli-nafa'dan. Taoafik neu basa sila-la, soona neukose o da'di hataholi manatee-tenok.

AMSAL 7:1

Hei anang-ngonei, mafandendelek mahele au hala-kokolang, ma boso mafandeleheni hata fo au paleta-kala neu o.

AMSAL 6:21

Mafandendelek mahele hala kokolan-nala, fo pe'da basas lai emi dalem dale.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

AMSAL 4:10

Anang-ngonei, mamanene au! Taoafik matalolole, au nanoli-nafa'dang-ngala, soona neukose o teum-ma namanalu.

LUKAS 2:19

Tehu Maria pe'da basa dede'ak sila la nai dalen dale, boema ana dudu'a-dodoon.

MATEOS 13:44

“Metema Manetualain paleta soona, heheo-hihilun sama leo nakandandaak ia: hapu buas esa, nananatoik nai dae dale. Boema hataholi esa ana kali hapu buas ndia. Tehu nakadofu falik buas ndia leo dae dale neu. Hu ka nde hataholi ndia namahoko nanseli boema ana fali ne'un de nase'o heni basa hata-heton lala'ena, boema ana asa na dae ndia.”

1 TIMOTIUS 1:15

Dede'ak ia, tete'e ka la'en hu ndia de, nandaa sipo kana ma tamahelen no dale katema tuak: “Kristus Yesus mai leo daebafak ia mai, fo Ana soi-tefa na hataholi masala-masingo kala.” Ma au nde hataholi masala-masingok fo, mangalauk nanseli a.

LUKAS 9:44

“Taoafik matalolole, ma boso mafandele heni Au dede'a-kokolang ia: Ana Hataholi ka neukose nanafek leo hataholi daebafa ka koasan dale neu.”

LUKAS 2:51

Basa boema Yesus fali sama-sama nos leo Nazaret leu, ma Ana tunga duas paleta na. Inan pe'da basa dede'ak sila la, nai dalen dale.

MAZMUR 90:12

Fe ami nasanene'dak, fo ami leke malelak ami fai maso'dam fo keke'uanak ia, fo ela ami da'di hataholi manatee-tenok.

ULANGAN 30:13

Mamanan-na, ta nai tasi selik boen, nalosa emi matane mae, ‘Neukose, see kande neu ho'in-nan, fo ela ita apu tamanene ma ita tungan?’

AMSAL 8:1

Mamanene! Manatee-tenok-ka naloo bou-bou, manatee-tenok-ka botik halan-na.

AMSAL 9:1

Manatee-tenok-ka napadede'ik-na uma, ma ana tao natetetu dii kahitun-nala.

AMSAL 28:7

Ta'eanak fo, manatunga hoholo-lalanek-ka nde been-na, hataholi manatee-tenok. Tehu, hataholi fo, ana leo-napalasa no hataholi manadodolo-didilok-ka, nakamamaek aman.