AMSAL 19:9 - Susula Malalaok Hehelu Palak Ma Hehelu Beuk

⁹ Hataholi fo, nasapepeko-nasandandali nai uma manakee-manafula soona, tao leo bee-o, neukose nanahukuk, ma manatao namopo-namatek.

AMSAL 19:9 Referans Kwoze

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

AMSAL 12:19

Masapepeko-masandandalik-ka, neukose nanabubuluk nai hatematak esa mesak-kana tehu dede'a-kokolak ndoos-sa, neukose nahele losa dodoon-na.

AMSAL 21:28

Masapepeko-masandandalik-ka, ana fe sakasii soona, neukose ta lamahele fan, tehu hataholi fo, ana bubuluk dede'ak-ka huu-pedan-na, hala-kokolan nanasipok.

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.