AMSAL 18:1 - Susula Malalaok Hehelu Palak Ma Hehelu Beuk

¹ Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

AMSAL 18:1 Referans Kwoze

AMSAL 20:3

Ka'da hataholi dudu'a-aafi taak-ka, nde ana nau nale'a-napilik; heheo-hihiluk fo nanakoa-kiok-ka nde, dook-ka neme nale'a-napilik-ka mai.

YEREMIA 15:17

Au ta amahoko-setelee o hataholi fo ka'da lakabubua soaneu lakasosoe aok fa. Hu ka nde namahelek neu o-a de, au ame'dan no nameme'dak nasa-meluk.

AMSAL 24:21

Anang-ngonei, bii-mamata'u neu Manetualain, ma fe ha'da-holomata neu manek-ka. Boso tunga hataholi, fo ana la'ban-nasa.

YUDAS 1:19

Hataholi sila nde lini nasi'da-naba'e ka. Nana Manetualain Dula Dale na, ta koasa hataholi sila la fa, te hihi-nanau daebafa ka nde, koasa hataholi sila la.

MARKUS 1:35

Balahaa fafaianak fo bei makahahatuanak te Yesus fo'a, boema Ana la'oela uma ndia. Neu leo mamana nees esa nai kota ndia deak fo Ana hule-haladoi nai ndia.

AMSAL 14:10

Namahokok ma dale he'dik-ka, nanape'dak nai dalek-ka dalek; de hataholi fe'ek, ta hapu name'da nita fan.

MATEOS 13:44

“Metema Manetualain paleta soona, heheo-hihilun sama leo nakandandaak ia: hapu buas esa, nananatoik nai dae dale. Boema hataholi esa ana kali hapu buas ndia. Tehu nakadofu falik buas ndia leo dae dale neu. Hu ka nde hataholi ndia namahoko nanseli boema ana fali ne'un de nase'o heni basa hata-heton lala'ena, boema ana asa na dae ndia.”

AMSAL 26:17

Hataholi fo, ana sese'do-babalik nai nale'a-napilik, fo ndia ito-aton ta ndia fa, sama-na leo hataholi fo, ana ho'u neu busa fuik-ka di'idoon-na.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

AMSAL 20:19

Hataholi fo, ana hii kokolak hataholi fe'ek-ka, ta nape'da dede'a nafufunik fa; boso leo-mapalasa mo hataholi bafa maloa.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

ROMA 1:1

Tolano-tolanook manai Roma fo Manetualain hele ma sue-lai kala lemin! Manetualain hele basa au, boema Ana so'u heheli au, da'di mana tui-benga Hala Malole maneme Manetualai na mai.

MARKUS 4:11

Boema Yesus nafa'das nae, Manetualain fe basa emi baba'e-babati malole fo ela emi bubuluk bibila babaak la'eneu “Manetualain paleta tao leo beek. Tehu nanoli hataholi dea kala soona, Ana pake nakandandaak,

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

ZAKHARIA 7:3

Boeo ladenus, fo latane imam-mala ma basa nabi-la, lae leo ia, “Bei paluu ami kii-makaleleu Manetualain, Uman-na nakalulutun-na nenik okaaok-ka nai tunga-tunga bula ka 5, sama leo ami taon dodoo basa ia do?”

AMSAL 3:21

Hu ndia de anang-ngonei, ho'u mahele manatee-tenok-ka, ma tai-dodook-ka! Boso po'in makandondook,

AMSAL 8:14

Au nde fe dudu'a-aafi maneu. Ma au boeo anduku-alosak-kana. Au dudu'a maneu ma balakaik boe.

ULANGAN 14:6

ma basa bana eifanga kaba'ek-kala, ma bana fo ala doa-aale