AMSAL 16:8 - Susula Malalaok Hehelu Palak Ma Hehelu Beuk

⁸ Malole lenak hapu-dai faaanak, tehu hapun tunga eno ndoos-sa, neme hapu-dai makadotok, tehu ta hapun tunga eno ndoos ma matetuk-ka fa.

AMSAL 16:8 Referans Kwoze

AMSAL 15:16

Malole lenak hata-heto lumanak, tehu hata-heto lumanak ndia, sama-sama no bibii-namata'u neu Manetualain, neme hata-heto makadotok, tehu hata-heto makadotok ndia, sama-sama no bibii-namata'uk.

MAZMUR 37:16

Hataholi malole fo, bua-lo'an faa anak, tehu belin-na lena heni hataholi mangalauk-ka hahapu makadoton-na.

YEREMIA 17:11

Nonokabai manupui lu'u tolok fo ndia nuun ta ndia fa, hataholi fo ta manatao ndos-sa fa hapu hata-heton soona, tatao-nono'in leondiak. Ka'da nai fai keke'uanak mesak-kana neukose namopo basa hata-heton-nala. Nai so'dak fai makabuin-na te butin-na nae ndia hataholi fo nggoak nanseli.

MIKHA 6:10

Nai hataholi mangalauk-kala uman, hapu hata-heto fo ala hapun neme tipu-daik-ka mai. Ala pake tatais ta matetuk, fo tatao-nono'ik esa, Au ta ahiik-kana fa. Neukose Au huku hataholi manatao tatao-nono'ik leondiak-ka.

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

PENGKHOTBAH 4:6

Fafa'kama dede'ak ndia la'en, tehu malole lenak hata-heto faa anak, sama-sama no dale manatesa-tamak-ka, neme naue-nale'di nenik liman duas, losa pusen-na titi ma usi anin-na.

AMSAL 15:17

Malole lenak na'a aidoo, tehu na'an sama-sama no susue-lalaik, neme na'a paa mala'da, tehu na'an sama-sama no nakamuu-nakadauk.

AMSAL 17:1

Malole lenak ta'a kakau pingak esa, tehu ta'an no dale manatesa-tamak, neme nana'a mala'dahiik-ka sasi kao-kao boe, tehu ta'an no dale manatesa-tamak taak.

AMSAL 28:6

Malole lenak, hataholi nuu-taa hata-taak fo, dalen-na ndoos, neme hataholi kamasu'ik, fo manatao peko-pakik-ka mai.