AMSAL 16:6 - Susula Malalaok Hehelu Palak Ma Hehelu Beuk

⁶ Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 16:6 Referans Kwoze

AMSAL 14:16

Hataholi dale malole-a, nanea tataas esa, ma nadook aoinan-na neme tatao-nono'i mangalauk-ka mai, tehu hataholi nggoak-ka kalua nasa-melun, fo besak-ka dalen-na tesa-tama.

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

AMSAL 14:27

Namahele neu Manetualain nde been-na, ua-nalek-ka huun-na; ma enok soaneu tala mamates-sa deak.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

AMSAL 20:28

Metema, manek-ka paleta no susue-lalaik, tao tunga ndoon-na ma ndoos ma matetuk, soona neukose, ana koasa nahele.

HATAHOLI 15:9

Manetualain ta bibinga-baba'e ita to sila fa. Ana tao nalalao-nalalafu hataholi sila la dale nala nana lamahele.

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

NEHEMIA 5:9

Boema au afa'da seluk-kasa ae, “Emi tatao-nono'im ndia, ta malole fa! Emi muse maso'da no mame'da bibii-namata'uk neu Manetualain. No enok ndia, ita musun fo lamatua tak sila, emi ta fes loak soaneu lakamumulu-lakamamaek ita fa.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

EFESUS 5:21

Soaneu fe ha'da-holomata neu Kristus de, ela leo bee na, emi esa nakatele neu esa.

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

KEJADIAN 20:11

Boema, Abraham nataa nae, “Au aedaenga, nai ia, ta hapu hataholi bii Manetualain fa, nalosa hataholi fo nahiik au saong-nga, neukose ana taonisa au.

KELUARAN 1:17

Tehu ina ka duak fo manamakabobongik inak sila nde been-na, hataholi fo ala bii-lamata'u neu Manetualain. Ala ta nau tunga manek-ka paletan ndia fa, de ala po'ilotak basa ni'iana touanak-kala laso'da.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

IMAMAT 25:17

Boso tipu-dai emi nonoom hataholi Israe la, tehu ela leo been-na, emi bii-mamata'u neu Amak, fo emi Manetualaim-ma.

ULANGAN 30:13

Mamanan-na, ta nai tasi selik boen, nalosa emi matane mae, ‘Neukose, see kande neu ho'in-nan, fo ela ita apu tamanene ma ita tungan?’

AMSAL 3:3

Ela leo been-na, o mamahele mahele, ma lilineka neu Manetualain ma o nonoo hataholim-ma. Mafandendelek basa sila-la, fo pe'dan nai o dalem dale,

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

DANIAL 4:24

Ama Manek, ninitan ndia sosoa-ndandaan nde ia, ma Manetualain Fo Mademaina nakeketun la'eneu Ama Manek-ka nde ia.