AMSAL 16:1 - Susula Malalaok Hehelu Palak Ma Hehelu Beuk

¹ Hataholi daebafak-ka, bole tutu'u enok, tehu Manetualain nde fe nakeketuk-ka.

AMSAL 16:1 Referans Kwoze

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

AMSAL 20:24

Manetualain naketu basa, hataholi daebafak-ka maso'dan-na eno-dalan nai daebafak ia so; hu ndia de, hataholi daebafak-ka, ta bubuluk maso'dan-na, eno-dalan fa.

YEREMIA 10:23

Manetualain, au bubuluk ta hapu hataholi esa boen nanuu koasa fo ana naketu ua-nalen do lelepos nalelak so'dan-na eno-dalan.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

MAZMUR 119:36

Fe au dale hihiik, soaneu tunga O nakanenetem-ma, lena heni dale hihiik fo da'di kamasu'ik

KELUARAN 4:15

Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

2TAWARIKH 18:31

Da'di nai lelek lita Manek Yosafat-ta boema, sila basa-basas laedaenga manek Israel-la nde ndia. Hu ndia de ala sapu-lan. Tehu Yosafat nggasi, boema Manetualain tulu-falin de Ana diluheok sasapuk ndia leo mamana fe'ek neu.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

AMSAL 15:33

Bibii-namata'uk neu Manetualain nde been-na, netes ba'eneu nanoli malole-a; ma dale taidaek-ka, nakahuluk neme ha'da-holomata mai.

2 SEMUEL 7:5

“Muu leona, fo manduku-malosak Au hala hehelung-nga nde ia neu Au atang Dauk mae, ‘Masa bole, o nde mapadedeik fe Au uma.

AYUB 17:11

Au fai maso'dang-nga, seli so, de au dale tutu'ung lala'en-na, manada'di tak; mopo la'iesak au namahehenang-nga.