AMSAL 13:8 - Susula Malalaok Hehelu Palak Ma Hehelu Beuk

⁸ Hataholi kamasu'ik-ka, muse ana kalua doik makadotok, fo ela so'dan-na nee-nee lino-linok; tehu hataholi nuu-taa hata-taak-ka, ta hapu nasanene'dak mahelek fa.

AMSAL 13:8 Referans Kwoze

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

AYUB 2:4

Tehu, Nitu-a nataa nae, “Maso'dak ma so'da-la'dak-ka, belin-na lena heni hata-heto. Hataholi daebafak-ka, nau fe heni basa hata-heton lala'en-na, sa'di ana hapu naso'da nahele.

ZEFANYA 3:12

Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

YEREMIA 39:10

Neme laun nggelok nuu taak nanseli-a ma hata-heto taak-kala, ala la'o elas nai Yehuda de ala fes osi angol ma tina-osi.

AMSAL 6:35

Ta bisa fufu'din-nan nenik doik fa; Palsen-na de'u leobee boeo, ta bisa tao naloe nasan-na fa.

2RAJA-RAJA 25:12

Tehu, laun nggelok, nuu-taa hata-taak-kala. Hata-heton-nala ta makandondook so, ala la'oelas leme Yehuda, de ladenus, fo ala tao osi angol, ma ala ta'ti tina.

2RAJA-RAJA 24:14

Mane Yoyakhin, inan, saon-nala, hataholi mana'a ngga'din-nala, ma mauli-malangan Yehuda-la, basa-basan lala'en-na, hataholi nananita – nalelak 7.000 – ala da'di hataholi nanafook, de foo lenis leo Babel neu. Boeo basa tuka ai-la, tuka besi-la, dede'un-na hataholi 1.000, basa-basas hataholi mabe'i-balakaik ma palani mesa-mesan, nai natee-natatik-ka dalek. Hataholi daa manek-kala, hataholi nananita-nalelak-kala boeo, foo lenis leo mamana ookak-ka neu – basa-basan lala'en-na, hataholi 10.000. Isabai-na, foo leni la'iesak laun Yerusalem-mala; ela ka'da laun nuu-taa hata-taak-kala.

KELUARAN 21:30

Tehu metema fe masapik ndia loak, fo ana bae soona, ana muse baen, nandaa no nakeketuk-ka, fo ana soi-na samanen-na.

AMSAL 13:7

Hapu nggelok, ala tao nono'kabai ndia hataholi kamasu'ik, te se'kona, hata-heton ta; tehu hapu nggelok, ala tao nono'kabai ndia hataholi nuu-taa hata-taak, te se'kona, lamasu'i hatu-hatu.

AMSAL 13:9

Hataholi manatao dede'a malole-a, nono'kabai mandela-masa'ak-ka; tehu hataholi mangalauk-ka, nono'kabai banu manamatek-ka.

AMSAL 14:24

Hataholi manatee-tenok-ka nanakoa-kiok, nanahu manatee-tenon-na, tehu hataholi nggoak-ka nananita-nalelak, nanahu nggoan-na.

LUKAS 12:23

Maso'da ka lenaheni nana'a-nininuk, ma ao paa ka lenaheni papake-ngganggao ka.