AMSAL 13:12 - Susula Malalaok Hehelu Palak Ma Hehelu Beuk

¹² Metema namahehenak-ka, ta tao natetu fan soona, aopaak-ka male-tale; tehu metema hihii-nanauk-ka nanatao natetuk soona, dalek-ka naua-nanale.

AMSAL 13:12 Referans Kwoze

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

AMSAL 13:19

Malolen-na seli, metema hapu hata fo nahiik-kana! Hataholi nggoak-ka, ta nau tu'u-tapa heni tatao-nono'i mangalauk-ka fa.

AMSAL 3:18

Hataholi fo, ana ho'u nahele manatee-tenok-ka, neukose ana hapu so'da matetuk ma maua-manalek-ka.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

AMSAL 11:30

Hataholi manatao malole-a, neukose so'dan-na natetu; ma hataholi manatee-tenok-ka, manatunga dean-nala boetai lamaba'uk-ka.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

MAZMUR 143:7

Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

KEJADIAN 46:30

Yakob nafa'da Yusuf nae, “Besak ia, au sadia mate, nanahu au ita o so, ma au bubuluk, ae o bei maso'dak.”

KIDUNG AGUNG 5:8

Hai anafe'oanak Yerusalem-mala lemin, maheluk leona, metema emi matongo moo au touana susueng-nga soona, mafa'dan mae au amahe'di susue tou-ta'ek.

NINITAK 22:2

ana faa nai enok manai kota ndia tala'da heon. Nai lee ndia su'u na fo nai su'un duas, hapu ai manafe maso'da ka, fo naboa la'i sanahulu dua nai teuk esa dale na fo nde bulak esa naboa la'i esa. Doo na nanapakek soaneu lakahahaik leoina la.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

AMSAL 13:11

Su'i-betes fo hapun no mudak, neukose mopon no lai-laik; tehu hata-heto fo, nananakaduduluk faa-faa, neukose boetai namaba'uk-ka.

AMSAL 13:13

Hataholi fo nakadadaek Manetualain nanolin-na, ana tao soe aoinan-na; tehu hataholi fo, ana tunga Manetualain hoholo-lalanen-na, neukose ana hapu ngga'din-na.

NEHEMIA 2:2

Hu ndia de natane nae, “Tao le'e de, o dalem-ma he'dis-sa, te se'kona o ta mamahe'di fa? Tao leo bee-o, o susa hata esa so.” Au nggenge-la,