AMSAL 13:10 - Susula Malalaok Hehelu Palak Ma Hehelu Beuk

¹⁰ Namatutua-namadedema aok-ka, ka'da neni nale'a-napilik-ka; tehu hataholi manatee-tenok-ka, ana nau sipo nanolik.

AMSAL 13:10 Referans Kwoze

AMSAL 19:20

Metema, o nau manoli ma mamanene nanoli-nafa'dak soona, neu fai makabuin te, o da'di hataholi manatee-tenok.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

YAKOBIS 4:1

Metema natutu-nafepak ma nale'a-napili ka, ana da'di nai emi dalek soona, basa sila la ala da'di neme bee mai? Ade ana ta da'di neme hihii-nanauk fo ana ta hahae tao musu nai emi dalem dale, fo ela emi hapu manuu hika-setelee daebafa ka hetu!

1 TIMOTIUS 6:4

hataholi mana koaok ndia, boema ta nalelak hata esa boen! Mangalau na nde, ala hii ka'da latuik ma lale'a dede'a manda'di taa kala, fo ninini na nde, nape'da dale ka, nasi'da-naba'e ka, nakamumulu-nakamamae ka, dale ba'ihana ka,

LUKAS 22:24

Nai Yesus ana manatunga nala dalek, nale'a ka ana moli da'di la'eneu see ka nde neme sila nananafa'dak matua lena.

AMSAL 25:8

Boso makalupu kalaak dede'ak leo manakee-manafulu neu; nana, metema neu fai makabuin, fo hapu buti nae, o masalak soona, o bisa tao beek bai?

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.

AMSAL 20:18

Dale tutu'uk-ka neni buna-boak, neme tatai-dodook-ka mai; hu ndia de, boso puselaipana no ta tutu'u matalolole fan.

2RAJA-RAJA 14:10

O, fo Amazia, manako'ao-ndaeaok, nanahu o sengi hataholi Edom-mala so. Nah, ade sesengik ndia, dai so hetu? Malole lenak, o meme ka'da uma! Sosoak hata, sanga dede'ak, fo neukose, ka'da nini soe fe o, ma o laum-mala?”

1RAJA-RAJA 12:16

Lelek laun-na bubuluk lae manek-ka ta nau namanene fas boema ala eki ma lafa'da lae, “Tafaduli beek neu Dauk ma tititi-nonosin-nala! Sila beita tao lita hata esa boen soaneu ita fa. Laun Israel-la lemin, mai fo ita fali te'u tala! Neme na fo ana ito-ato ndia aoinan-na mesak-kana!” Boema laun Israel-la fali Leona,

HAKIM-HAKIM 19:30

Basa hataholi mananita manada'dik ndia, lafa'da lae, “Manada'dik matak leo iak-ka, beita da'di nita fa, mulai neme hataholi Israel-la kalua leme Masir mai, losa besak ia. Ita ta bole denge-denge fa. Ita muse takokolaok, fo ho'i nakeketuk!”

AMSAL 13:9

Hataholi manatao dede'a malole-a, nono'kabai mandela-masa'ak-ka; tehu hataholi mangalauk-ka, nono'kabai banu manamatek-ka.

AMSAL 13:11

Su'i-betes fo hapun no mudak, neukose mopon no lai-laik; tehu hata-heto fo, nananakaduduluk faa-faa, neukose boetai namaba'uk-ka.

AMSAL 28:25

Paluu ka'da aoinak-ka mesak-kana, neninin-na nale'a-napilik; Metema o mamahele neu Manetualain soona, o hapu nanalak lena.