AMSAL 12:8 - Susula Malalaok Hehelu Palak Ma Hehelu Beuk

⁸ Hataholi-a nanakoa-nanakiok, nandaa no manatee-tenon-na; hataholi nananakadadaek-ka, nandaa no nggoa-panganan-na.

AMSAL 12:8 Referans Kwoze

2 KORINTUS 10:18

Nana hataholi nanakoa-kio ka nde bee na hataholi fo Lamatua ka koa-kion, te ta nde hataholi fo ana koa-kio seluk aoina na fa.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

LUKAS 16:8

Boema pegawi manape'da doik fo manaputa-paik ndia, malanga na koa-kion, nanahu tatao-nono'i puta-pain ndia. Maso'dak nai daebafak ia, sama na leondiak! Hataholi daebafak ia la ito-ato puta-paik lalelak sila ito-aton neme hataholi fo naso'da nai mangale'do ka dalek.”

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

AMSAL 5:23

Ana mate, nanahu ana ta sipok nanoli-nafa'dak fa. Nggoan-na, non leo nakalulutuk-ka neu.

AMSAL 3:35

Neukose hataholi manatee-tenok-ka na'den-na boetai naboomeni, tehu hataholi nggoak-ka, boetai nananakadadaek.

AMSAL 1:26

Hu ndia de, emi hapu soe soona, neukose au hika emi. Metema emi bii-mamata'u soona, neukose au hakinonoli emi.

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

KEJADIAN 41:39

Boema manek-ka nafa'da Yusuf nae, “Manetualain nafa'da basa dede'ak ia la neu o so, da'di mangale'dok so nae o dodole neuk ma manatee tenok lena neme su'di see mai boe.

SEMUEL SUSULAK-KA ESAN-NA 25:17

Hu ndia de, tai-dodoo dede'ak ia, fo ho'i nakeketuk tunga hata fo Ina bisa taon. Nana, tao leo bee-o, neukose babalan-na ana mai, soaneu ita tuan-na, ma neu basa teidalen-nala lala'en-na. Ita tuan-na, langa batu nanseli, nalosa ana ta nau ita kokolak too fan!”

SEMUEL SUSULAK-KA ESAN-NA 18:30

Metema neu faik beek, fo solda'du Filistin-nala mai sapu soona, Dauk nde taonisa solda'du musu ba'uk-ka, nakalena neme basa Saul malanga solda'du matuaina fe'en-nala mai. Boema Dauk boetai nanakoa-nanakiok.

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

SEMUEL SUSULAK-KA ESAN-NA 13:13

Semuel namanene dede'ak ndia boema, nafa'da Saul nae, “Ama Manek tataon ndia, tatao-nono'i nggoak nanseli. Leounik-ka Ama Manek tunga Manetualain paletan neu Ama Manek-ka soona, tao leo bee o, neukose Manetualain fe nakeketuk, fo Ama Manek ma Ama Manek tititi-nonosin da'di manek Israel losa dodoon-na.

PENGKHOTBAH 8:1

Hataholi manatee-tenok-ka namahoko-na ba'un-na seli. Ana bubuluk basa dede'ak lala'en-na natataan-na. Manatee-tenok-ka, tao-nan, ana hume nana namahoko nalosa mata-panan napena tataas esa.

AMSAL 12:7

Hataholi mangalauk-ka, neukose ana tu'da, fo mate-mopon; tehu hataholi malole-a, neukose natea nehele, neme bobongik leo bobongik neu.

AMSAL 12:9

Malole lenak da'di laun matasi'da-matasaek tehu nanuu ue-le'dis, neme hataholi fo ta'ko ndia hataholi matua-madema, te se'kona, ana to'a-taa nana'a-nininuk.

AMSAL 29:27

Hataholi malole-a, ta nape'da dale nasak no hataholi mangalauk-ka fa; ma hataholi mangalauk-ka, nakamuu-nakadau hataholi malole-a.

YESAYA 19:14

Manetualain nde taon-nalas, ala fe nanoli-nafa'dak fo ta matetuk ndia fa. Neninin-na, Masir sala-sala mesan, ma naleu-lilok sama leo hataholi manamafuk fo, ana kosik de ana tu'u neu mutan lain.

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.