AMSAL 12:12 - Susula Malalaok Hehelu Palak Ma Hehelu Beuk

¹² hataholi mangalauk-ka, nahiik hapu nanalak neme hataholi malelesik-ka mai; hataholi malole-a, nono'kabai ai maboak-ka.

AMSAL 12:12 Referans Kwoze

YOHANIS 15:5

Au nde ai huu ango la, boema emi nde ndana nala. Hataholi manada'di esa nahele no Au, ma Au o hataholi ndia, soona neukose naboa ba'u ka. Metema emi ta mo Au fa soona, emi ta hapu tao hata esa boen.

YESAYA 37:31

Hataholi Yehuda bei maso'dak-kala, neukose so'dan-nala tetu-temak, sama leo bubu'u-palusa fo okan-na tola losa demak-ka de ana fe buna-boak.

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

ROMA 6:22

Tehu besak ia, Lamatua ka soi-tefa nala emi neme sala-singo ka mai so, de emi da'di Manetualain atan so. Emi hapu nanala'ka nde, emi maso'da soaneu ka'da Manetualain fo tatao-nono'ik ndia buna-boan nde so'da matetu ka ma manaketu basa ta ka.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

AMSAL 10:15

Su'i-betes-sa, nasulu-nahapa tou kamasu'ik-ka, naleu-nalaak-ka, tao nakalulutuk hataholi nuu taa-hata taak-ka.

MAZMUR 9:15

fo ela au koa-kio O nai laun Yerusalem-ma matan. Neukose au eeki-latadale nanahu O soi-tefa-mala au.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

AMSAL 11:30

Hataholi manatao malole-a, neukose so'dan-na natetu; ma hataholi manatee-tenok-ka, manatunga dean-nala boetai lamaba'uk-ka.

AMSAL 21:10

Hataholi mangalauk-ka, ana hii ka'da tao mangalauk tataas esa; ana ta nanuu dale susue-lalaik, soaneu su'di see-a fa.