AMSAL 12:1 - Susula Malalaok Hehelu Palak Ma Hehelu Beuk

¹ Hataholi fo ana sue malelak-ka, ana hii ka'in; tehu hataholi fo ana ta nau ka'i fan-na, nde been-na hataholi nggoak.

AMSAL 12:1 Referans Kwoze

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

MAZMUR 32:9

Boso sama leo ndala kanenis-sa, fo muse helan nenik lapa ma tali, soona besak-ka ana tunga.”

2 TESALONIKA 2:10

Ana pake basa ke'dindiu mangalauk lala'ena, fo ana ke'dindiu hataholi fo, ala ta nau sipok hala ndoos maneme Manetualain na mai. Neukose mate basa hataholi sila la, nana ala ta nau lamahele halak fo manini so'dak ndia fa.

AMSAL 8:17

Au sue lai sila fo lahik neu au; manasanga au-a, neukose latongo lo au.

AMSAL 8:32

Hei hataholi muli-soluk-konei! Mamanene neu au, Tunga au natutu'dung-nga, soona neukose o tetu-temak.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

MAZMUR 119:27

Tulu-fali au, fo au alelak matalolole O hoholo-lalanem-mala, neukose au tai-dodoo, O nanolim fo, nanadodoo doak ndia.

MAZMUR 50:17

Nana o ta nau sipok Au hala kekena-kaka'ing-nga fa, ma o tipa Au paletang-ngala.

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

AMSAL 11:31

Metema nai daebafak ia, hataholi malole-a boeo neukose ana sipo babalak soona, tao leo bee-o hataholi mangalauk-ka, ma hataholi masala-masingok-ka, neukose hapu huhukuk.

AMSAL 12:2

Hataholi malole-a, Manetualain nahiik-kana; tehu hataholi manatutu'u eno mangalauk-ka, neukose ana sipo huhukuk.

AMSAL 30:2

Au nggoak sama leo bana-manu; au dudu'a manadaing ta.

IMAMAT 13:10

Metema, tunga imam-ma palisan-na nae, nai hataholi ndia loun-na, hapu peta-pae fulak fo ana bisu, boema buluk manai he'dis-sa mamanan ndia, fulak soona,

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

AMSAL 10:8

Hataholi malelak-ka, ana hii sipo nanoli-nafa'dak hataholi kokolan-na nggoak, neukose natofa-natalak.