AMSAL 11:12 - Susula Malalaok Hehelu Palak Ma Hehelu Beuk

¹² Makamumulu-makamamaek hataholi fe'ek nde been-na, tatao-nono'i nggoak; hataholi dudu'a-aafi malole-a, neukose ana kokolak hata esa boen.

AMSAL 11:12 Referans Kwoze

1 PETRUS 2:23

Lelek fo nanadodoki-aalik tehu Ana ta balas ninik dodoki-aalik fa. Lelek fo Ana doidoso, tehu Ana ta tao mangalauk neu hataholi mana tao mangalauk neu na fa. Ka'da Ana fe dede'a na neu Manetualain, fo mana maketu-mala'di tunga matetu na.

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

LUKAS 18:9

Yesus boeo tui nakandandaak ia neu hataholi fo ana mete hataholi fe'ek nai daeanak, tehu namahele aoina na mesa kana nde malole.

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

AMSAL 14:21

See nakamumulu-nakamamaek hataholi soona, ana tao sala-singok; tehu see dalen-na malole no hataholi nuu-taa hata-taak-ka soona, neukose naua-nanale.

2RAJA-RAJA 18:36

Laun Yerusalem-mala lamanene ndia boema, ta lataa fa, nana Manek Hizkia fe basa paleta, fo ela ala bee denge.

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.

HAKIM-HAKIM 9:38

Zebul nafa'da Gaal nae, “Nah, besak ia, o bafa maloam ndia nai bee? Makahulun-na, o mafa'da mae, sosoak hata, ita muse takatele neu Abimelekh ndia? O makamumulu-makamamaek hataholi-la, nde ia-la. Ayo, besak ia tutulumatak, fo sapu-malas leona!”

AMSAL 6:32

Tehu tao leobeek neu hataholi touk manahohongek-ka? Ana tao nalutu ndia aoinan-na mesak-kana! Ndia nggoan-na seli!

AMSAL 11:11

Hataholi manatao tunga ndoon-na, huhule-haladoin tao nalole kota; hataholi mangalauk-ka hala-kokolan, tao nalutun.

AMSAL 11:13

Manatui dede'a anin-na, neukose ta nape'da dede'a nanabibila-babaak fa, tehu hataholi fo hapu nananamahelek-ka, bisa nape'da dede'a nanabibila-babaak.