AMSAL 11:10 - Susula Malalaok Hehelu Palak Ma Hehelu Beuk

¹⁰ Metema hataholi manatao tunga ndoo-na, hapu baba'e-papalak soona, kota namahoko-setele; metema mate hataholi mangalauk-ka soona, laun-na eeki-natadale.

AMSAL 11:10 Referans Kwoze

AMSAL 28:12

Metema, hataholi malole-a koasa soona, basa hataholi-la lamahoko, te metema, hataholi mangalauk-ka, paleta soona, laun-na leu ke'ke.

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.

AMSAL 28:28

Metema, hataholi mangalauk-ka, ana koasa soona, laun-na leu ke'ke; metema hataholi mangalauk-ka mopo-mate soona, hataholi manatao ndoos ma matetuk-ka, ana paleta su'di bebe'ik-ka.

AYUB 27:23

Hataholi-la soluk tutu'dan-na, nenik totoko limak; ana hapu nakamumulu-nakamamaek nai mamanak lala'en-na.”

KELUARAN 15:21

Miryam nakamee soaneus nae, “Makamee ba'eneu Manetualain, Nana Ana sengi no malole nanseli. Ana tapa basa ndala-la loo hataholi manasa'ek-kala leo tasi dale leu.”

2RAJA-RAJA 11:20

Basa laun-na lala'en-na, lamahoko-setelee, ma kota boeo nee-nee lino-lino, ma taolisa Atalya so.

AMSAL 11:11

Hataholi manatao tunga ndoon-na, huhule-haladoin tao nalole kota; hataholi mangalauk-ka hala-kokolan, tao nalutun.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

2TAWARIKH 23:13

Nita manek beuk ndia napadeik nai lelesu masok leo Manetualain Uman neu fo nai mamanak nai bee manek-ka nanandoo eik ma solda'du matuaina-la ma manafuu trompet-ala okofefeo lan. Basa laun-na lalae'na eki latadale boema ala fuu trompet, ma basa manamakminak sasanu manai Manetualain Uman-na tao lalole-lanapu feta ndia nenik sila sasanu liin-nala. Atalya dalen-na ba'ihana de ana sisii-lulu'i bua papaken-na ma ana nggasi nae, “Malelesik! Malelesik!”

2TAWARIKH 23:21

Laun-na lamahoko lanseli, ma kota boeo tetu-temak ma taolisa Atalya so.

YEREMIA 51:48

Basa hata manai lalai ma daebafak-ka lamahoko-setele hu ka nde Babel tu'da nai leoina kii-la liman dale fo manatao nakalulutuk-kala.