AMSAL 10:10 - Susula Malalaok Hehelu Palak Ma Hehelu Beuk

¹⁰ See nafuni ndoos-sa soona, nakadada'dik toto'a-tataak; see nde fe salak neu hataholi no mangale'dok soona, ana tao susa tetu-temak-ka.

AMSAL 10:10 Referans Kwoze

MAZMUR 35:19

Boso po'ilotak au nananakamiminak neme hataholi fo manamusu loo au-a no sosoa-taak. Boso po'ilotak au nanaeki-natadalek, neme hataholi fo lakamuu-lakadau au ta no enon-na fa.

AMSAL 6:13

Nakahehe'de mata, ma ana fe ta'du fo tipu-dai.

3 YOHANIS 1:10

Mahani te, metema au ne'i soona, de'i fo au ofe heni basa tatao-nono'in lala'ena, fo nde tatao-nono'i mangalaun ma masapepeko-masandandalin neu ami a! Tehu tatao-nono'in ndia, beita dai fan. Nai lelek fo nonoo Salani kala leu leo kota ndia leu boeo, ana ta nau sipo kasa fa. Lena-lenak bai, nafa'da hataholi mana sipok tolanook sila la, fo ladenu hataholi sila kalua la'oela Salani kala!

AMSAL 10:8

Hataholi malelak-ka, ana hii sipo nanoli-nafa'dak hataholi kokolan-na nggoak, neukose natofa-natalak.

AMSAL 18:21

Maak-ka nanuu koasa soaneu soi-tefa-na so'dak-ka, do tao nalutun; hataholi-a muse lu'a-lepa-na, hala-kokolan neninin-na.

AYUB 15:12

Tehu, o mamanasa, de o matam-ma pila;

AMSAL 10:14

Hataholi manatee-tenok-ka, nape'da malelak; metema hataholi nggoak-ka kokolak soona, ana dolu soe-a.

AMSAL 16:30

Manea matalolole soaneu hataholi manahika-humek ma manamakahehe'de matak-ka, nana ana tutu'u eno mangalauk, nai dalen dale.