AMSAL 10:1 - Susula Malalaok Hehelu Palak Ma Hehelu Beuk

¹ Salomo nanoli-nafa'dan-nala nde ia: Ni'iana manatee-tenok-ka neni namahokok fe aman; tehu ni'iana nggoak-ka, tao susa inan dalen-na.

AMSAL 10:1 Referans Kwoze

AMSAL 1:1

Salomo, fo Dauk anamanen-na, ma mane Israel-la, nanoli-nafa'dan nde ia.

AMSAL 29:3

See nau manatee-tenok-ka soona, nandaa no aman dalen-na. See leo-napalasa no manasosoa-piaok soona, ana didilo-dodolo tali-doin.

AMSAL 17:25

Ni'iana nggoak-ka, tao susa aman; ma nakahehe'dik inan dalen-na.

AMSAL 29:15

Nanolik, ma kekena-kaka'ik-ka, taon-na hataholi-a, da'di manatee-tenok. Ni'iana fo, ina-aman tunga dale hihiin-na tataas esa, neukose nakamamaek ina-aman.

AMSAL 15:20

Ni'iana manatee-tenok-ka, nandaa no aman dalen-na; tehu ni'iana nggoak-ka, ta fe ha'da-holomata neu inan fa.

AMSAL 17:21

See hapu ni'iana fo nggoa-panganaak soona, sosoan-na nae, ana hapu dale he'dik; da'di amak neu ni'iana nggoa-panganaak-ka soona, ana ta fe namahoko-seteleek fa.

AMSAL 19:13

Ni'iana nggoak-ka, bisa ana tao soe fe aman. Saoinak fo, ana sanga ka'da nahuu-namasalak-ka, sama leo oe-a, fo ana ti'ti nakandondoo henin.

PENGKHOTBAH 12:9

Manadudu'a-dodook ndia dodole maneu ma manatee-tenok. Hu ndia de, nanoli malelak lala'en-na neu Manetualain anan-nala. Nanoli dede'a nakandandaak makadotok boema ana fola ndoon-na.

PENGKHOTBAH 2:19

Ma see bubuluk, ade ndia dodole maneu do nggoak? Tehu leomae leo beek boe, neukose ndia nde nanuu au ue-le'ding buna-boan, fo au hapun nai au fai maso'dang-nga dalek nai daebafak ia, hu kande au sosota-mamangung ma au manatee-tenong-nga. Da'di ndia boeo manada'di taak.

AMSAL 25:1

Manamaik ia, hapu Salomo nanoli-nafa'da fe'en de'ubee, fo hataholi mana'a ngga'di-la nai Hizkia, fo manek Yehuda, uma manen-na, nde salin-nana.

1RAJA-RAJA 4:32

Ana tao na dede'a bini lifun telu ma nakameek lifun esa lenak.

AMSAL 13:1

Ni'iana malelak ma manatee-tenok-ka, metema aman fe nanoli-nafa'dak soona, ana taoafik neun; tehu hataholi manakoao-ndaeaok-ka, ta nau ka'i fan.

AMSAL 27:11

Anang-ngonei, ela leo been-na, o da'di hataholi manatee-tenok, fo ela au amahoko, ma metema o nananakamumulu-nakamamaek soona, au bisa ataa.

AMSAL 29:17

Manoli o anam-ma, soona neukose, ana fe o tetu-temak, ma neni namahokok fe o.