AMSAL 1:25 - Susula Malalaok Hehelu Palak Ma Hehelu Beuk

²⁵ Emi ta taoafik neu basa au nanoli-nafa'dang-ngala, ma emi tipa au kekena-kaka'ing.

AMSAL 1:25 Referans Kwoze

LUKAS 7:30

Tehu hataholi Farisi la ma mese agama la ta nau sipok Manetualain dale tutu'un soaneu sila aoina nala fa, nalosa ala ta nau Yohanis salani fas.

MAZMUR 81:11

Au nde, emi Amam Manetualain fo manahela-nole emi kalua meme Masir mai. Lelek emi mamala'a, Au fe emi nana'ak.

AMSAL 12:1

Hataholi fo ana sue malelak-ka, ana hii ka'in; tehu hataholi fo ana ta nau ka'i fan-na, nde been-na hataholi nggoak.

AMSAL 1:30

Ta la'iesa boen, fo emi nau sipok au nanoli-nafa'dang-ngala, do taoafik neu au kekena-kaka'ing-ngala fa.

AMSAL 5:12

Boema, neukose o mafa'da mae, “Ah, tao le'e de, au ta hii nanoli-nafa'dak fa? Tao le'e de, au tan au hataholi nasanggai au fa?

MAZMUR 107:11

nana ala ta nau la'ban Manetualain paletan-na, ma ta taoafik neu Manetualain Fo Mademaina, paletan-na fa.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

SEMUEL SUSULAK-KA ESAN-NA 8:18

Metema tepo-lelek ndia losa soona, neukose emi haladoi, hu kande manek fo emi helen ndia, tehu Manetualain ta nau namanene emi haladoim ndia fa.

AMSAL 8:14

Au nde fe dudu'a-aafi maneu. Ma au boeo anduku-alosak-kana. Au dudu'a maneu ma balakaik boe.

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

ULANGAN 1:45

Basa boema, emi fali ma'im-ma, de emi maloo bou-bou neu Manetualain fo moke tutulu-fafalik, tehu Ana ta nau namanene, do taoafik neu emi fa.”

2TAWARIKH 33:10

Manetualain ka'i Manasye no laun-nala, tehu ala ta nau lamanene fa.