AMSAL 1:22 - Susula Malalaok Hehelu Palak Ma Hehelu Beuk

²² “Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

AMSAL 1:22 Referans Kwoze

AMSAL 5:12

Boema, neukose o mafa'da mae, “Ah, tao le'e de, au ta hii nanoli-nafa'dak fa? Tao le'e de, au tan au hataholi nasanggai au fa?

AMSAL 1:29

Emi sama leo hataholi fo, ta la'i esa boen, fo ana nau hapu malelak, ma ana ta nau tunga Manetualain fa.

MAZMUR 1:1

Maua-manalek neu hataholi fo, ana ta tunga hataholi mangalauk-ka nanoli-nafa'dan fa, ana ta na'da hataholi masala-masingok-ka, ha'da-tataon fa, ma ana ta leo-napalasa no hataholi fo, nakamumulu-nakamamaek Manetualain fa,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

2 PETRUS 3:3

Makasososa na, emi muse bubuluk te, neu fai-fai mate'e kala te, neukose hataholi fo hihii-nanau nasa melun koasa la so'da nala, ala to'da mai,

YOHANIS 3:20

Hataholi manatao-no'i mangalau ka, nakamu mangale'do ka, de ana ta nau mai leo mangale'do ka mai fa, fo ela boso lita tatao-nono'i mangalau na.

LUKAS 19:42

Ma nae, “Kasian la'iesa kana, neu o Yerusalem! Malole na seli, metema faik ia o lau mala bubuluk hata fo nini mole-dame! Tehu besak ia, dede'ak ndia nananafunik neme sila mai.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

AMSAL 21:11

Huhukuk ba'eneu hataholi manahakinonolik-ka, da'di nanolik ba'eneu hataholi nggoak-ka, ma metema, fe hataholi manatee-tenok-ka nanolik soona, neukose ana hapu malelak.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

AMSAL 19:29

Hataholi ngoak fo, namatutua-namadedema aoinan-na, tao leo bee-o, neukose ana hapu fefepa-lili'uk.

AMSAL 15:12

Hataholi fo ana hii ka'da nakamumulu-nakamamaek, ana ta hii ka'i fan; dalen-na belak, noke nanoli-nafa'dak neme hataholi manatee-tenok-ka mai.

AMSAL 14:6

Hataholi manakoao-ndaeaok-ka, neukose ta da'di manatee-tenok fa, tehu hataholi dodole da'uk-ka, mu'dak la'iesak-kana, ana hapu malelak.

AMSAL 8:5

Emi fo dudu'a-aafi manadai tak-kala lemin, manoli manuu dudu'ak matane; emi fo nggoam-ma seli, manoli da'di manatukatei-manasale dalek.

AMSAL 7:7

Boema au ita touanak ba'uk-ka fo bei muli soluk-kala; tehu au mete hehelu ka'da hataholi esa fo nggoan-na seli nai sila tala'da.

AMSAL 6:9

Tou pelatua ndia, ana nau sungu losa faihi'da? Faihi'da, besak-ka ana nau fo'a?

AMSAL 3:34

Manetualain ta hii hataholi fo namatutua-namadedema aoinan-na fa, tehu Ana ba'e-pala hataholi fo nakaloe-nakadae aon-na.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 1:4

Nanoli hataholi dudu'a-aafi taak-ka, nalosa nanuu dudu'a-aafi matane, ma nanoli hataholi muli-soluk-ka, fo ana da'di hataholi malelak, ma ana bisa dudu'a-dodoo sama leo hataholi touinak-ka.

MAZMUR 94:8

Hai au leoinang-ngala lemin, boso mamanggoa ba'u basa ndia, manoli pake emi dudu'a-aafim.

AYUB 34:7

Ade, emi mita hai hataholi, sama leo Ayub ia do ta? Ana hakinonoli Manetualain la'i nono'ik.

BILANGAN 14:27

“Losa faihi'da hataholi mangalauk sila, bemumu neu Au? Au amanene sila nakamumuun lala'en-na so.

KELUARAN 16:28

Boema, Manetualain, nafa'da Musa nae, “Emi ta nau tunga Au paletang-ngala losa faihi'da?

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

AMSAL 1:21

Ana naloo bou-bou nai lelesuina-nala, ma nai mamana makalupu-makaseek-ka nae:

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”