AMSAL 1:19 - Susula Malalaok Hehelu Palak Ma Hehelu Beuk

¹⁹ Memak hataholi fo, ana sanga so'dan-na nenik eno naseti-nalakak-ka, neukose ana baen nenik so'dan-na mesak-kana.

AMSAL 1:19 Referans Kwoze

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

HABAKUK 2:9

O nanasoo-supak! No o tataom ndia de, o teidalem-mala lamasu'i nenik nanalak fo hapun tunga tatao-nono'i susue-lalai taak-ka, fo ela o umam-ma nee-nee lino-lino, ma o mala susa-soe deak.

PENGKHOTBAH 5:13

Tehu hata-heto ndia mopon, nanahu susa-soe esa, de ana ta hapu la'oela hata esa boen soaneu anan-nala fa.

1 TIMOTIUS 3:3

ana ta hii natutu-nafepa fa. Te hataholi ndia, hala-kokolan mangana'uk, ana hii ka'da mole-dame. Ana ta bole tene peta doik fa.

AYUB 31:39

leouni'ka au u'a heni buna-boan, ma au po'ilotak hataholi manasele-nggalin-nana, namala'a-namandoe,

AMSAL 1:20

Mamanene leon-na, te manatee-tenok-ka naloo nai enok-kala lain, ma ana nggasi nai mook-kala!

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

YOSUA 7:25

Boema Yosua nafa'da Akhan nae, “Tao le'e, de o meni susa fe ita? Besak ia, neukose Manetualain fe susa neu o!” Boema basa hataholi Israel-la tapa Akhan no teidalen-nala nenik batu, losa mates. Boema, ala hotu heni basa hata-heton, ma namanako-na bua-lo'as-sala boe.

MAZMUR 7:16

Ana kali bolok soaneu hataholi fe'ek, tehu ndia mesak-kana nde tu'da leo dalek neu.

AMSAL 29:24

Hataholi fo, ana tao-no'i sama-sama no nakodaa, sosoan-na nae, nakamuu-nakadau seluk aoinan-na. Metema, ana tui no mangale'dok nai uma manakee-manafula soona, neukose hukun. Tehu metema, ka'da denge-denge soona, neukose Manetualain soo-supan la'en.