AMOS 9:5 - Susula Malalaok Hehelu Palak Ma Hehelu Beuk

⁵ Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

AMOS 9:5 Referans Kwoze

AMOS 8:8

Neukose daebafak-ka dele, ma basa hataholi-la dalen-nala susa. Basa nusak-ka lala'en-na nanggengo ma ko'ba-ka'bo sama leo Lee Nil-la.

MAZMUR 46:6

Manetualain leo nai naa, hu ndia de, neukose kota ndia ta nakalulutuk fa; neukose Ana tulu-falin, nai lelek le'do-a tii.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

YESAYA 64:1

Ou Manetualain, siba'e lalai, fo kona mai leona, taom-ma letek-kala langgengo, nai O matam,

MATEOS 7:27

Nai lelek fo ani sangu ma faa tua ka ana mai, fo ana fepa uma ndia soona, ana tu'u neu fo nakalulutuk!”

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

MAZMUR 144:5

Ou Manetualain, soiheni O lalaim-ma, fo kona leona, fo koila'e letek-kala, fo ela lamasu.

MAZMUR 32:6

Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

MAZMUR 97:5

Letek-kala, noehenis de ala faa sama leo lilik-ka, nai Manetualain matan-na, nai Manetualain fo, manakoasa daebafak-ka lala'ena, matan.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.