AMOS 6:8 - Susula Malalaok Hehelu Palak Ma Hehelu Beuk

⁸ No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

AMOS 6:8 Referans Kwoze

AMOS 4:2

Au, Manetualain Fo Mademaina, nde been-na Manetualain fo malalao-malalafuk, ma Au helu basa ae neukose emi nanalele'a-lolosok nenik besi kakaik. Emi basa-basam-mala neukose sama leo i'ak-ka nai dolu isin-na.

YEREMIA 51:14

Manetualain Fo Manakoasa ana soo-supa neu ao paan-na nae neukose ana fe hataholi de'u lamak-kala fo leu sapu-la Babel, ma neukose ala eeki sesengik-ka.

AMOS 8:7

Manetualain, fo leoina Israel-la Manetualain-na, soo-supa basa nae, Neukose Au ta afandele heni sila tatao-nono'i mangalaun-na fa.

MAZMUR 47:4

Ana fe ita sesengik neu leoina-la, Ana tao ita da'di manakoasa neu leo-leo ma leoina-la.

AMOS 3:11

Hu ndia de, neukose musu-a okofeo-na sila nusan-na, fo ala tao lakalulutuk kota musun-nala, ma ala bonga uma manen-nala.

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

MAZMUR 78:59

Manetualain nita boema, namanasa nanseli, de Ana ta sipok-kasa, makandondook fa.

MAZMUR 50:12

Metema Au amala'a soona, ta paluu Au afa'dan neu emi fa, nana daebafak-ka no oe-isin lala'ena, Au nuung.

ULANGAN 32:19

Manetualain nita dede'ak ndia boema, namanasa, de Ana ta sipok anan-nala fa.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

IMAMAT 26:11

Neukose, Au leo nai emi tala'da, fo nai Au Lalaa Temang dale, ma neukose Au ta tipa emi fa.

KEJADIAN 22:16

“Manetualain nae, Au soo-supa inik au na'deng-nga mesak-kana, nanahu o tao tataos ia, de o nau fe o ana kisam ndia, neu Au.

YEREMIA 12:8

Au anang-ngala la'ban Au; sama leo singa nai bafak dale, leondiak boe, sila langao lasale Au.

YEREMIA 44:26

Tehu besak ia mamanene hata fo Au afa'dan neu emi, hai hataholi Israel manai Masir lemin; Au, Manetualain, soo-supa unik Au na'deng-nga fo matua-madema de Au ta po'i emi pake Au na'deng-nga soaneu tao naheluk esa so'on. Emita bole mafa'da mae, ‘Au soo-supa unik Manetualain fo maso'dak-ka!’

YEREMIA 49:13

Au soo-supa emi nenik Au na'deng-nga mesak, neukose kota Bozra ana da'di mamana nakabibiik fo nana la'o elak. Neukose hataholi-la hika ma ala pake na'den-na da'di huhukuk. Basa nusa titia-tatain-nala da'di nakalulutuk losa dodoon-na. Au, Manetualain nde manakokolak-ka.”

HOSEA 11:6

Natee-nata'tik-ka, neukose lua da'pa-da'pa losa leo sila kotan dale neu, neukose tao lalutu lelesuina-la, ma Au anang-ngala nanatao namopo-namatek. Dede'ak ndia ana da'di, nanahu ala tunga sila hihii-nanau mesan-nala,

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMOS 5:21

Manetualain nafa'da nae, “Au ta hii, ma malua mete emi agama-ma fai malolen-nala!

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

YESAYA 28:1

Soe ba'eneu kota fo, basa manamafuk Israel-la dalen-nala lamatua neun! Lole-napun hii-hii nae mopon, sama leo bunga fo, ana male nai sila langan lain. Soe ba'eneu kota mademaina, nai pupukuk lain, nai bafak malolek-ka tala'da, henuk no maninu angol fo, langan-nala he'dis-sa so

YEREMIA 22:14

Soe boe ba'eneu hataholi fo nafa'da nae, “Neukose au apadedeik uma manek fo matuaina no kama matuaina losa lain,” boema nai uma manek ndia ana taon-na jendela no bingke nala neme ai kaiyou Libanon, ma lose dama pilas neun.