AMOS 5:6 - Susula Malalaok Hehelu Palak Ma Hehelu Beuk

⁶ Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

AMOS 5:6 Referans Kwoze

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

AMOS 5:14

Sanga enok fo tao malole, fo boso tao mangalauk, fo daenga emi maso'da. Soona Manetualain Fo Manakoasa, neukose te'e-te'e, Ana leo nai emi tala'da sama leo emi mafa'dak-ka.

AMOS 5:4

Manetualain nafa'da hataholi Israel-la nae, “Fali leo Au mai leona, soona neukose emi maso'da.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

YESKIAL 37:19

mafa'da mae Au, Manetualain Fo Mademaina, neukose Ana ho'i-na aitete'ek fo, manada'di ta'du-tana neu Israel-la, fo Ana tao nakabubuan no aitete'ek fo, manada'di ta'du-tana neu Yehuda. Au Neukose Au tao aitete'e ka duak sila-la da'di esa, fo Au ho'us nai Au limang dale.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

1RAJA-RAJA 11:28

Yerobeam boeo naue-nale'di nai ndia. Lelek Salomo bubuluk nae Yerobeam ue-le'din neulauk ma manggatek, boema ana fen bela-ba'uk soaneu nanea manatao bela nusak-kala nai leo Manasye nusan-na ma leo Efraim-ma nusan-na.

2 SEMUEL 19:20

Atam-ma, name'da te'e-te'e, atam-ma tao basa sala-singok so, hu ndia de, nai basa leo-leo manaleo manai nusa kii-la dalek, atam-ma nde makasososa, mai sipok Ama Manek nai faik ia dalen-na.”

YOSUA 18:5

Muse baba'e dae ndia neu baba'ek hitu. Neukose, Yehuda nahele neme ndia nusan-na, nai boboak kona, ma Yusuf nai nusan-na nai boboak kii.

ULANGAN 4:24

nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

KELUARAN 22:6

See tao ha'i nai tinan dale, boema ha'i ndia na'a leo hataholi fe'ek tinan neu, de na'a heni gandum nanake'di bei tak-kala, do gandum fo besak-ka ala ke'dis, de ala puputus, soona muse kee fe hataholi manatao ha'i ndia, nahuta.

MAZMUR 27:8

O mafa'da mae, “Mai leona fo sene-do'ok Au.” Au ataa ae, “Au mai no lai-laik, ou Manetualain;

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

MAZMUR 69:33

Hataholi nanatuni-ndenik-ka, nita ndia, boema namahoko-setelaa, ma hataholi manasene-do'ok neu Manetualain-na, lamatutua dalen-nala.

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YESKIAL 21:3

mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.