AMOS 4:9 - Susula Malalaok Hehelu Palak Ma Hehelu Beuk

⁹ Au fuu ani mato'bik-ka ne'i, ma Au haitua lama-bobo'oi le'i fo tao lalutu bubu'u-palusa ma emi osi angom-mala. Ai kaak-kala ma emi ai setum-mala lamak-kala la'a heni la'iesak-kasa. Leomae leondiak boeo, emi ta nau fali leo Au mai boen.

AMOS 4:9 Referans Kwoze

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

YOEL 1:4

Lama bubuak fo ta leke-nala dede'un-na fa, ala tai lai tina-la, fo la'a heni buna-boan. Lama bubuak ia na'a ela beek soona, lama bubua fe'ek-kala la'a heni seluk-kasa.

AMOS 4:6

Au nde fe la'a-ndoes neu basa emi kotam-mala, tehu emi ta nau fali leo Au mai fa.

AMOS 4:8

Nai kota de'ubee, laun-nala male henis no maa ma'dak-ka so, ala sanga oe nai kota fe'ek, tehu oe manai kota ndia ta dai fa. Leomae leondiak boe, emi ta nau fali leo Au mai fa.

YOEL 2:25

Neukose Au nggati basa emi hata manamopom lala'en-na nai teu-teuk, fo lelek lamak-kala la'a heni emi keketu-kokolum buna-boan. Nana, Au nde haitua lamak bubua matuaina sila-la leo emi neu.

YOEL 1:7

Ala taolisa ita ai angol-la, ma ita ai kaan-nala, ela ka'da huun-na. Ala sii heni, ndanan-nala loun-na, nalosa ndanan-nala da'di fulak.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

2TAWARIKH 6:28

Metema la'andoes do he'di-laus do anin mato'bik-ka tao nalutu bubu'u-palusa, he'di la'us-sa, do lama-ka, do metema musu-a sapu-na O anam-mala, do he'di-laus mai fo tuni ndeni-na nusak ia soona,

1RAJA-RAJA 8:37

Metema la'andoes do he'di-laus sa'e na nusak ia, ma ani mato'bi ka, lama-bobo'i do lamak-kala tao lalutu bubu'u-palusa nala, do metema musu a sapun-na O ana mala do he'di-laus sapun-nalas soona,

ULANGAN 28:42

Neukose lama-boo'i la'aheni emi ai-mala, ma emi bubu'u-palusam-mala.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

MALEAKHI 3:11

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu.