AMOS 3:8 - Susula Malalaok Hehelu Palak Ma Hehelu Beuk

⁸ Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

AMOS 3:8 Referans Kwoze

HATAHOLI 4:20

Nana ami ta bisa hahae kokolak la'eneu hata fo ami mitan ma ami mamanene matam fa.”

AMOS 3:4

Metema singa beita hapu nana'an-na fa soona, nangao nai nula dale do ta? Metema singa ana beita ho'un-na hata esa boen soona, nangao nai bolon dale do ta?

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

NINITAK 5:5

Boema hataholi esa neme lasi-lasik sila la nafa'da au nae, “Boso kii! Mitak, Singa maneme leoina Yehuda fo Dauk tititi-nonosi matuaina na, ana sengi so! Ana sii nabe'i segel kahituk sila la de Ana buka susulak ndia.”

1 KORINTUS 9:16

Nana metema ndia ka'da dede'ak fo tui-benga Hala Malole maneme Manetualai na mai soona, au ta anuu hak amatutua-amadedema fa, nana Manetualain paleta basa au soaneu tao-no'in so. Susa-soe ba'eneu au, metema au ta tui-benga Hala Malole ndia fa!

AMOS 2:12

Tehu emi hataholi Nazir-mala linu angol, nalosa angol-la tao-nalas ala mafuk, de lalelesi hehelu-balataan. Ma emi kena-ka'i nabi-la, fo boso tui-benga Au hala hehelung-nga.

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

HATAHOLI 5:20

“Meu mapadeik meu Amak Manetualain Uman dale, fo tui-benga neu basa hataholi la la'eneu so'da beuk ia.”

YESAYA 31:4

Manetualain nafa'da au nae, “Sama leo singa namanasa, soaneu nanea nana'an-na, ma ta hapu nakabibiik-kana nenik manafoo bubuak esa eekin ma nakadiin, fo ala mai la'ban-nana, leondiak boe Au, neukose Au atee-atati, fo Au anea Pupukuk Sion-na.

YESKIAL 29:21

Metema dede'ak ndia, ana da'di soona, neukose Au tao-a Israel da'di leoina matea-mahelek, de ana fe o fo Yeskial loak, soaneu kokolak su'di bebe'ik-ka, nalosa hataholi lala'en-na, hapu lamanene o. Soona besak-ka ala bubuluk, lae Au nde Manetualain-na.”

YESAYA 21:10

Au leoinang fo Israel! O nanalulumu-eesek ma nanaheheta-aa'ik basak, sama leo gandum de'ek-kala. Besak ia, au tui-benga fe o, hala malole, fo au amanenen neme Manetualain Fo Manakoasa, fo Israel Manetualain-na.

YEREMIA 26:12

Boema au afa'da ae, “Manetualain nde nafa'da au anduku-alosak hala haituak fo la'ban Manetualain Uman-na, ma kota ia sama leo hata fo emi mamanenek-ka.