AMOS 2:11 - Susula Malalaok Hehelu Palak Ma Hehelu Beuk11 Au hele basa emi anam de'ubee fo ala da'di nabi, ma emi hataholi muli-solum de'ubee fo ala da'di Nazir. Hai hataholi Israel-la lemin? Ade, dede'ak ndia, ta tete'ek-ka fa do? Au, fo Manetualain nde manakokolak-ka. Gade chapit la |
Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”
Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”
Hu ndia de, basa hataholi Israel fo maleme nusak ndia lala'en-na mai, ala manaku lae Semuel nde been-na, Manetualain nabin. Nai lelek Semuel kokolak soona, basa leoina Israel-la lamanenen. Manetualain bei natu'du nakandoo aoinan-na nai Silo, fo nai bee, soaneu ka la'i makasososan-na, natu'du aoinan-na neu Semuel, de Ana kokolak non.
Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”