AMOS 2:10 - Susula Malalaok Hehelu Palak Ma Hehelu Beuk

¹⁰ Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

AMOS 2:10 Referans Kwoze

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

HATAHOLI 13:18

Ana ta haelai namanasa ha'da-tatao nala, nai lelek fo leme mo maloa teuk hahulu dale na.

HATAHOLI 7:42

Boema Manetualain la'oelas de Ana po'ilota kasa, ala sene-do'ok neu nduuk manai lalai la. Dede'ak ndia nandaa no hata fo nanasulak nai nabi la susulan dale. Nae leo ia ‘Hei hataholi Israe la lemin! Ta soaneu Au emi do'do ma emi tunu-hotu bana dodoo na teuk hahulu dale na, nai mo solokae ka.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

YESKIAL 20:10

Boema, Au os kalua leme Masir mai, de lakandoo leo moo solokaek-ka leu.

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

NEHEMIA 9:21

Nai teuk haahulu dalen-na, lai moo solokaek-ka. O tao matetu sila paluun lala'en-na. Bua papaken-nala, ta siba'e nita fas, ein-nala ta he'dis-sa do peta-pae fa,

ULANGAN 1:39

Boema Manetualain nafa'da ita basa-basa-tala nae, ‘Emi anam fo bei anak-kala nanseli, de ala beita mete lalelak, beek-ka nde malole ma beek-ka nde mangalauk-ka, ni'iana fo tunga emi nafa'dam-ma mae, neukose emi musum-mala loso lalas-sa, neukose Au fe dae ndia neu emi anam sila dei, ma neukose, emi anam sila nde langatuu-la dae ndia.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

BILANGAN 21:25

No enok ndia, hataholi Israel-la, loso-la basa hataholi Amori-la kotan-nala, de nai dalek, hapu kota Hesybon-na, ma kota anak manai titia-tatain-nala, boema ala leo lahele leme ndia.

YOSUA 13:4

Boeo bei hapu nusak fo muse mangatuu-man, fo nde: nusa Kanaan-na lala'en-na, ma Meara (fo leoina Sidon-na nuun ndia), losa leo Afek, nai leoina Amori nusan-na, dae toon-na;

BILANGAN 13:32

Boema leu tui hataholi Israel-la dede'a pepekok, la'eneu nusak fo, sila leu maku besa-besa loon ndia. Lafa'da lae, “Nusak ndia, mangalaun-na seli, lena-lenak laun-na bai. Ami mita hataholi manai naa-la, ao matuaina mesa-mesan.

BILANGAN 32:13

Manetualain namanasa leoina Israel-la, nalosa Ana po'ilotak-kasa, laleu-lalaak lai moo solokaek-ka, teuk haahulu dalen-na, losa mate la'iesak bobongik fo, manalena-la'ban paletan-na.

YOSUA 24:8

Boema Au o emi leo nusak, fo hataholi Amori-la leo leme Lee Yarden-na boboan dulu. Hataholi sila latati loo emi, tehu Au fe emi sengis. Emi mangatuu-ma nusan-na, de Au tao amopo-amate hataholi sila.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!