AMOS 1:6 - Susula Malalaok Hehelu Palak Ma Hehelu Beuk

⁶ Manetualain nafa'da nae, “Nusa Gasa laun-nala lasala-lasingo tataas esa, hu ndia de, tao leo bee-o, neukose Au hukus. Ala foo leni leoina esa lala'en-na, de lase'os da'di leo ata neu hataholi Edom-mala.

AMOS 1:6 Referans Kwoze

AMOS 1:11

Manetualain nafa'da nae, “Laun Edom-mala lasala-lasingo tataas esa so, hu ndia de, tao leo bee-o, neukose Au hukus. Leu latee-lata'ti no dale susue-lalai tak loo hataholi Israel fo sila tolanoon-nala. Lamanasa lakandoo ma lape'da dalek lahele.

2TAWARIKH 28:18

Nai lelek ndia boe, hataholi Filistin-nala bei sapu-la nusa-nusak manai letek-ka huun muli, ma nai nusak manai Yehuda boboan kona. Ala loso-la kota Bet-Semes, Ayalon, ma Gederot, boema kota Sokho, Timna, ma Gomso, boema nggolo-nggolok manai nusak-kateluk sila-la titia-tatain-nala, boema ala leo lahele leme ndia.

OBAJA 1:11

O mapadeik nai dook-ka, nai faik fo musu tao nakalulutuk Yerusalem lelesun-na, de ana sengi kota ndia. Nai lelek ala ho'i leni la'iesak Yerusalem su'i-beten, de ala baba'en, tehu o ta mahala mae le'e esa boen. O mangalaum-ma sama no musu sila-la.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

SEMUEL SUSULAK-KA ESAN-NA 6:17

No enok ndia, hataholi Filistin-nala haitua fe Manetualain tutunu-hohotuk sala-singok nanasoi-tefak soaneu Filistin manek-ka liman fo ala paleta kota ka limak-kala, laun-nala. Kota sila-la nde, Asdod, Gaza, Askelon, Gat ma Ekron. Nai kota sila-la, hapu nggelok lanuu kota musu, ma nggelok ta. Kota sila-la esan-na haitua peta-paek nanataok neme lilopilas esa ma lafo nanataok neme lilopilas esa. Manada'dik ndia buti-na nde batu matuaina, mamanak fo ala pe'da Manetualain Peti Hehelu-balataan. Losa faik ia, batu ndia bei nahele nai Yosua, fo hataholi Bet-Semes ndia, tinan-na.

YOEL 3:6

Emi meni Yehuda ma Yerusalem laun-nala leo mamanak fo dook-ka neme nusan-nala mai. Basa boema emi mase'ohenis leo leoina Yunani neu.

YESKIAL 35:5

Mulai neme makahulun eli mai, emi musu moo Israel, ma emi po'ilotak-kasa ala mate, nai lelek soe-a tuni-ndeni nalas, da'di leo huhuku mate'ek-ka, neu sila sala-singon-nala.

ZAKHARIA 9:5

Neukose kota Askelon ma kota Gaza litan, fo ala bii-lamata'u. Neukose Ekron nitan boe, de mopo basa namahehenan lala'en-na. Neukose mopo Gaza manen-na, ma neukose Askelon da'di kota nee-nee lino-linok ma kota louk.

AMOS 1:3

Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

YEREMIA 47:1

Manek Masir beita sapun-na Gaza boen te, Manetualain kokolak neu au la'eneu nusak Filistin-na.

HATAHOLI 8:26

Lamatua ka ata nusa so'dan esa nafa'da Felipus nae, “La'o lai-lai leo kona mu fo tunga enok mana tuti Yerusalem no Gaza.” Enok ndia nee nee-lino lino.

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

AMOS 1:7

Hu ndia de, neukose Au haitua ha'i-a leo Gasa papala-nanadaman-nala neu, fo na'a heni kota musun-nala.