2 SEMUEL 8:2 - Susula Malalaok Hehelu Palak Ma Hehelu Beuk

² Dauk sengi hataholi Moab-pala boe. Nadenus fo langape'uk lakandondoo leu dae lain, boema, metema hapu hataholi telu nai mamanak esa soona, ana taonisa hataholi dua. Da'di, hataholi Moab-pala lakatele neu Dauk, de ala bae bea leo Dauk neu.

2 SEMUEL 8:2 Referans Kwoze

BILANGAN 24:17

Au itan, tehu ta nai besak ia fa; au akanaen, tehu neme dook-ka mai. Manek esa, ana da'di neme Israel mai, neukose ana mai, sama leo nduuk mandela-masa'ak-ka. Neukose ana tao nakalulutuk la'iesak mauli-malangan Moab-pala neukose ana tao nakalulutuk leoina Set-ta.

MAZMUR 60:8

Manetualain kokolak neme mamana leleon malalao-malalafun-na mai, nae, “Au nau eeki-latadale ma baba'e dae Sikhem-ma; neukose Au tu'u batu soaneu Bafak Sukot-ta.

2 SEMUEL 8:6

Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.

YESAYA 36:16

Boso mamanene Hizkia! Au, fo mane Asyur-ra adenu, fo ela emi kalua meme kota dale mai, fo makatele neu au. Mahani te, neukose emi bole mi'a angol boak, neme emi osi mesam-ma mai, ma emi mi'a mita kaa boak, neme emi ai kaa mesam-ma mai, boema emi minu oe, neme emi oedolu mesam-ma mai,

MAZMUR 108:9

Gilead ma Manasye nde bee-na, Au nuung, Efraim nde bee-na, Au topi baing-nga, ma Yehuda nde bee-na, Au aitete'e manapaletang-nga.

2TAWARIKH 26:8

Hataholi Amon-nala bae bea leo Uzia neu. Koasan-na boetai namatua-ka nalosa na'de-na nananita-nalelak losa Masir.

1 TAWARIKH 18:2

Dauk boeo ana sengi hataholi Moab ala de nalosa lakatele ma ala bae bea leo Dauk neu.

2RAJA-RAJA 17:3

Salmaneser, fo Asyur manen-na, natee-nata'ti non, de ana sengin, nalosa tunga teuk, ana muse bae bea leo mane Asyur-ra neu.

2RAJA-RAJA 1:1

Mate basa Ahab, fo mane Israel-la boema, nusa Moab-pa, ta nau tunga paleta so'on, de ala la'ban Israel.

2 SEMUEL 12:31

Fe'ek neme ndia mai, ana foo neni laun-nala, de nadenus ho'i leni hoholok, tata'tis, ma taka besi, fo nadenus tao bela-ba'uk nai mamana tao batu bata boe. Laun manai Amon kota fe'en-nala boeo, ana tao taos leondiak boe. Basa ndia boema, Dauk no solda'dun-nala lala'en-na, fali le'us leo Yerusalem leu.

SEMUEL SUSULAK-KA ESAN-NA 14:47

Saul da'di mane Israel-la boema, natee-nata'ti nai basa mamanak lala'en-na, fo la'ban Israel musun-nala, fo nde hataholi Moab, hataholi Amon, ma hataholi Edom, nusak Zoba manen-nala, ma hataholi Filistin-nala. Natee-nata'ti su'di nai bee boe, tehu ana sengi tataas esa.

MAZMUR 83:6

Leoina-la, teik esa-dalek esa, ma lakokolaok fo la'ban O, lae:

SEMUEL SUSULAK-KA ESAN-NA 22:3

Dauk la'o neme leak ndia mai, de neu leo Mizpa, fo nai Moab, boema nafa'da nusa Moab-pa manen-na nae, “Fe atam-ma ina-aman loak, fo ala leo loo Tuan, losa atam-ma bubuluk, Manetualain tao atam-ma le'e.”

SEMUEL SUSULAK-KA ESAN-NA 22:4

Basa boema, Dauk noo ina-aman leo nusa Moab-a manen-na neu, fo ala leo lahele leme ndia, nai lelek Dauk bei ke'ke nai leak dale.

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

MAZMUR 18:45

Hataholi nusa dea-la, lakatele neu au, ma metema lamanene au paletang-nga soona, ala tunga.

MAZMUR 60:10

Tehu Moab nde been-na, Au mamana sasafe eing-nga; Au koak kokoa sesengik neu Filistea. Au tapa Au ta'bueing-nga neu Edom, da'di leo ta'du-tana nae Au nuung ndia.”