2 SEMUEL 7:18 - Susula Malalaok Hehelu Palak Ma Hehelu Beuk

¹⁸ Boema, Mane Dauk-ka neu leo Manetualain Lalaa Teman dale neu. Boema nangatuuk, de ana hule-haladoi nae, “Ou Manetualain Fo Manai Mamana Madema, au ma au teidaleng-ngala, ta mandaa sipo basa malole lala'en, fo dodoo basa ia, O matu'dun neu au.

2 SEMUEL 7:18 Referans Kwoze

MAZMUR 8:4

Metema, au mete lalai fo, O makadada'dik-ka, bulak ma nduuk fo, O pasak-ka soona,

1 TAWARIKH 17:16

Boema Dauk masok leo Manetualain Pandopon dale neu. Ana nangatuuk de ana hule-haladoi nae, “Ou Amak Manetualain, au ma au teidaleng ngala ta mandaa sipo basa dale malole fo O matu'dun neu au basa ia.

SEMUEL SUSULAK-KA ESAN-NA 18:18

Dauk nataa nae, “Atam ia see, ma au amang teidalen-nala, sosoa-ndandaan beek nai Israel, de nalosa atam-ma da'di Manek-ka manafeun?”

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

KELUARAN 3:11

Tehu Musa nafa'da Manetualain nae, “See au ia, nalosa au apalani asasalematak o manek-ka, fo au o leoina Israel-la, kalua leme Masir mai?”

SEMUEL SUSULAK-KA ESAN-NA 15:17

Semuel nafa'da nae, “Ade, Ama Manek ta nde da'di mauli-malangan neu leo-leo Israel-la, leomae Ama Manek mafa'da mae Ama Manek ta kandaak fa. Manetualain hele basa Ama Manek da'di manek neu Israel so,

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

HAKIM-HAKIM 6:15

Gideon nataa nae, “Manetualain, tao le'e de, au? Masa bole, au soi-po'i hataholi Israel-la leme hataholi Midian-nala koasan-na mai. Nai leo Manasye dalek, au leo-ingug-nga nde tapandoe nanseli-a. Ma nai au teidaleng-nga dalek boeo, au nde sosoa-ndandaa tak nanseli.”

SEMUEL SUSULAK-KA ESAN-NA 9:21

Boema, Saul nataa nae, “Au ia, da'di eme leo Benyamin-na mai, fo leoanak nanseli nai Israel, ma bai te, au teidaleng-nga, nanaleke taak nai leo ndia dalek. Da'di, tao le'e de, Ama mafa'da au mae leodia?”

YESAYA 37:14

Hizkia sipo-na susulak ndia, neme hataholi nadedenuk-kala mai boema, ana lees-sana. Basa boema, neu leo Manetualain Uman neu, de nakapepela susulak ndia neu Manetualain matan-na,

2 SEMUEL 7:17

Boema, Natan nafa'da Dauk, basa hata lala'en fo, Manetualain nafa'da neun.

KEJADIAN 32:11

Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe.

RUT SUSULAN-NA 2:10

Lelek Rut namanene dede'ak ndia boema, ana senek neu Boas matan-na, ma nae, “Ama, au ta andaa sipo ha'da-tatao malole ba'u basa ia neme Ama mai fa. Au ia hataholi manamai, de au ta andaa hapu Ama dale malolen-na fa!”

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.