2 SEMUEL 4:8 - Susula Malalaok Hehelu Palak Ma Hehelu Beuk

⁸ Basa boema, ala fe Isyboset langan ndia leo Dauk neu, nai Hebron, ma lafa'da lae, “Saul anamanen Isyboset, fo Ama Manek musun fo ana sanga enok taonisa Ama Manek-ka, langan-na nde ia. Faik ia, Manetualain, balas Saul no tititi-nonosin-nala tatao-nono'in neu Ama Manek.”

2 SEMUEL 4:8 Referans Kwoze

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.

2 SEMUEL 22:48

Ana fe au sengi au musung-nga, Ana sengi leoina-la nai au matang,

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”

MATEOS 2:20

“Hataholi fo ana sanga taonisa ni'iana ndia, maten so. Hu ndia de, fo'a leona fo mo ni'iana ndia no inan fali leo Israel meu leona.”

MAZMUR 71:24

Nai fai katemak esa dalek, neukose au tui-benga O ndo ma matetum-ma, nana hataholi fo ala nau tao soe au-a, ala kala ma ala hapu mamaek so.

2 SEMUEL 18:31

Basa boema, Yoab atan ndia losa, de nafa'da manek-ka nae, “Atam-ma neni fe Ama Manek hala malole! Nai faik ia, Manetualain fe basa Ama Manek sengi basa hataholi manalena-la'ban Ama Manek paletan-na so.”

2 SEMUEL 18:19

Basa boema Ahimaas, fo Zadok anan-na, nafa'da Yoab nae, “Fe au loak, fo au alai u afa'da manek-ka, hala malole ia, ae Manetualain soi-tefa-na Ama Manek, neme Ama Manek musun-na mai so.”

SEMUEL SUSULAK-KA ESAN-NA 24:4

Boema Saul losa bi'i lalae de'ubee, nai enok-ka su'un-na. Leak esa nai ndia boe, de Saul neu leo dalek neu fo nangadeak. Ndia te, Dauk no solda'dun-nala ke'ke nai leak ndia dalek boe, tehu lai leak-ka buin-na.

SEMUEL SUSULAK-KA ESAN-NA 23:15

Leomae leondiak boe, Dauk bii-namata'u boe, nanahu Saul tutu'u basa, ana sanga taonisan. Faik esa boema, Dauk nai Hores, fo nai moo solokaek Zif-fa.

SEMUEL SUSULAK-KA ESAN-NA 20:1

Boema Dauk nalai neme Nayot fo deka no Rama mai, de neu leo Yonatan neu, boema natanen nae, “Te au sala beek? Au tao tatao-nono'i mangalauk beek so, ma au tao sala-singo beek soaneu o amam, nalosa ana nau taonisa au?”

SEMUEL SUSULAK-KA ESAN-NA 19:15

Tehu Saul nadenu hataholi sila-la leu seluk leo ndia leu, fo ala mete matan Dauk. Saul fes paleta nde ia nae, “Ndolo moon no pepe'un-na leo ia mai, fo ela au taoisan.”

SEMUEL SUSULAK-KA ESAN-NA 18:11

Saul dodoo nae, “Au tee, tee ia neu Dauk, fo sapi selik-kana losa papala!” Boema ana tee, tee ndia la'i dua leo Dauk neu, tehu Dauk hapu sili henin.

2 SEMUEL 2:8

Saul malanga solda'du matuainan-na, fo nde Abner, fo Ner anan-na, nalai sama-sama no Isyboset, fo Saul anan-na, leo Mahanaim nai Lee Yarden-na selik leu so.

SEMUEL SUSULAK-KA ESAN-NA 19:1

Saul nafa'da anamanen Yonatan, ma basa hataholi mana'a ngga'din-nala nae, ana sanga taonisa Dauk. Tehu Yonatan sue-na Dauk ba'un-na seli,