2 SEMUEL 3:18 - Susula Malalaok Hehelu Palak Ma Hehelu Beuk

¹⁸ Nah, emi fai loam ndia, ana losa nde ia so. Mafandendelek te, Manetualain helu basa neu Dauk, nae neukose Ana pake Dauk, soaneu soi-tefa Anan Israel neme hataholi Filistin-nala mai, ma neme basa musu fe'e-fe'en-nala mai.”

2 SEMUEL 3:18 Referans Kwoze

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.

2 SEMUEL 3:9

Malole lenak, au tulu-fali Dauk, nakalenak Manetualain helu basa neun nae, neukose Ana ho'in-na nusak ia neme Saul, ma neme tititi-nonosin mai, boema Ana so'u Dauk da'di manek neu Israel-lala'en-na, ma Yehuda. Sa'di leo been-na, Manetualain taonisa au, metema au ta akalala'ok Manetualain hehelu-balataan ndia neu Dauk fa!”

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 13:14

Tehu besak ia, Ama Manek paletan-na, neukose ta nakatatakak fa. Nanahu Ama Manek ta tunga Manetualain paletan-na fa, de Manetualain hele basa hataholi fe'ek fo nahiik-kana, fo Ana so'un da'di manek neu anan-nala.”

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”

2 SEMUEL 8:6

Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.