2 SEMUEL 3:1 - Susula Malalaok Hehelu Palak Ma Hehelu Beuk

¹ Saul teidalen-nala solda'dun-nala, loo Dauk teidalen-nala solda'dun-nala, latee-lata'ti lakandoo. Dauk boetai natea-nahele, tehu musu noon-na, boetai lakama'a.

2 SEMUEL 3:1 Referans Kwoze

1RAJA-RAJA 14:30

Nai Rehabeam paletan-na tepo-lelen, hapu natee-natatik tataas esa nai Rehabeam-ma Yerobeam.

AYUB 8:7

O su'i-betem manamopok sila-la, sosoa-ndandaan ta, metema nakasasamak-kana no hata fo, mahani te neukose o hapun.

2 SEMUEL 2:17

Basa ndia boema, natee-natatik-ka makee leona, de Dauk solda'dun-nala, sengi Abner no solda'dun-nala.

EFESUS 6:12

Nanahu ita ta ulepo'de soaneu laban hataholi daebafak fa, tehu ita laban be'ibalakaik maneme basa nitu mana koasa nai le'do fai mangalauk ia lala'ena. Ita la'ban dula dale manga lauk fo mana koasa nai lalai ma daebafa ka, be'ibalakain.

MAZMUR 84:7

Lelek ala la'ok tunga dokek Baka, ala tao lasafali mamanak ndia, da'di oemata, de u'dan makasososak-ka, po'a-nggangan nenik baba'e-papalak.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

GALATIA 5:17

Nana hataholi daebafa ka, hihii-nanaun naseikosalak no Manetualain Dula Dale na hihii-nanaun, ma Manetualain Dula Dale na hihii-nanaun naseikosalak no hataholi daebafa ka hihii-nanaun. Duas laseikosalak, nalosa emi ta hapu tao hata fo emi mahii kana fa.

ESTER 6:13

Ana tui saoinan-na, ma nonoon-nala, hata fo ana la'ola'din. Basa boema, saoinan-na ma nonoon fo manatee tenok sila-la, lafa'dan lae, “O balakaim-ma ta dai Mordekhai fa. Ndia hataholi Yahudi, de neukose o ta hapu la'ban-nana fa. Tao leo bee-o, ana sengi o.”

1RAJA-RAJA 15:32

Nai tepo lelek Mane Baesa neme Israel paleta, natee-natatik-ka ana da'di tataas esa no Mane Asa neme Yehuda mai.

1RAJA-RAJA 15:16

Nai tepo lelek Mane Asa neme Yehuda ma Mane Baesa neme Israel paleta, manek-ka duak sila-latee-latati tataas esa.

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

NINITAK 6:2

Boema au ita tete'e ka hapu ndala fulak esa. Manasa'e nana, ana ho'u kokouk esa, ma ala fen bulamolik esa. Ana kalua nasale leo daebafa ka da'dileo manasengik fo neukose ana sengi musu nala.

2 SEMUEL 2:28

Boema Yoab puu pupuuk-ka, fo da'di ta'du-tana ba'eneu solda'dun-nala, fo ela ala hahae usi hataholi Israel-la, boema natee-natatik ndia hahae leona.

2 SEMUEL 5:10

Dauk boetai natea-nahele nanahu, Manetualain Fo Manakoasa tulu-falin.

2 SEMUEL 22:44

O soi-po'i au neme leo-ingu malelesik-ka mai, ma O tao au da'di manakoasa neu leoina-la; au ta alelak leoina, ana da'di au atang;

1 TAWARIKH 11:9

Dauk be'i-balakain boetai popo-tama nakandoo, nanahu Manetualain tulu-falin.

ESTER 9:4

Basa hataholi manai nusak-ka lala'en-na, ala bubuluk lae Mordekhai maneni-mafa'dak nai uma manek-ka, ma boetai nanuu koasa boe.

MAZMUR 18:43

Au taoas beelutu, sama leo daesopuk fo manalapuk-ka, ma au sasapus sama leo tane-a nai enok lain.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

2 SEMUEL 3:6

Dauk teidalen-nala solda'dun-nala loo Saul teidalen-nala solda'dun-nala, bei latee-lata'ti lakandoo, de Abner sanga enok, fo ela koasan-na boetai namatuak-ka, nai Saul solda'dun-nala dalek.

1 TAWARIKH 3:1

Dauk bongi anatouk maneme Hebron-na, nanasulak tunga esa-esak teun-na nde ia: Amnon – inan na'de Ahinoam, fo hataholi Yizreel Danial – inan na'de Abigail, fo hataholi Karmel Absalom – inan na'de Maakha, fo Talmai, manek Gesur-ra, anafe'on-na Adonia – inan na'de Hagit Sefaca – inan na'de Abital Yitream – inan na'de Egla.