2 SEMUEL 23:16 - Susula Malalaok Hehelu Palak Ma Hehelu Beuk

¹⁶ Malanga solda'du matuaina ka teluk sila-la lamanene boema, ala tola tunga hataholi Filistin-nala ofun-na tala'da, fo leu aso oe neme oedolu ndia mai, de leni fe Dauk. Tehu Dauk ta nau ninu fan, te ana tunu-hotu oe ndia da'di leo tutunu-hohotuk soaneu Manetualain.

2 SEMUEL 23:16 Referans Kwoze

2 KORINTUS 5:14

Kristus susue-lalain nde koasa na ami a, nalosa ami bubuluk metema hataholi esa mate basa soaneu hataholi lala'ena soona, dede'ak ndia sosoa na nae, mate basa hataholi lala'ena so.

KEJADIAN 35:14

Nai mamanak fo Manetualain kokolak no Yakob ndia, anan-napadedeik batu nasa nene'dak esa. Boema Yakob tunu-hotu fe Manetualain angol ma mina setun nai batu ndia lain.

ROMA 5:7

Sosotak la'iesa kana, hataholi a nau mate nggati hataholi mana tao ndoos esa. Fafaka ma hapu hataholi nggelok lapalani mate soaneu hataholi manatao ndoos esa boe.

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

FILIPI 2:17

Fafa'kama neukose ala taolisa au, fo daenga au daa nga da'di sama leo tutunu-hohotuk fo nanapo'ak neu hata fo emi fen neu Manetualai na, fo ana da'dileo ta'du-tana nae, emi mamahelen. Metema memak muse leondiak soona, au oke makasi neu dede'ak ndia ma au amahoko o emi.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

2 SEMUEL 23:9

Hataholi ka dua nai Bubuak ka Telu (Triwira) ndia dalek nde, Eleazar, fo Dodo anan-na, neme leo-ingu Ahohi mai. Ana tunga Dauk, nai lelek lasasalematak loo hataholi Filistin-nala, fo ndia te lakabubua fo latee-lata'ti. Boema, nai lelek solda'du Israel-la lakadedeak boema,

SEMUEL SUSULAK-KA ESAN-NA 19:5

Ana pasak so'dan-na, nai lelek ana taonisa Goliat, ma Manetualain fe basa Israel sesengi matuaina tunga Dauk so. Ama mita matam manada'dik ndia so, de nai lelek ndia, ama mamahoko. Da'di, tao le'e de besak ia, ama sanga tao doi-doso hataholi sala taak-ka, ma ta no ne'ek hata esa boen, ama nau taomisa Dauk?”

SEMUEL SUSULAK-KA ESAN-NA 7:6

Boema basa-basas lakabubua lai Mizpa. Ala aso oe boema ala po'a henin fo da'di leo tunu-hotuk neu Manetualain basa boema, nai faik ndia dalen-na, ala oka aon-nala. Lafa'da lae, “Ami masala-masingo basa neu Manetualain so.” (Nai Mizpa ndia nde Semuel mulai da'di mauli-alangan neu hataholi Israel-la.)

BILANGAN 28:7

Muse tunu-hotu bi'ilopoana ndia, sama-sama no angol litel esa boe, fo pisin leo mei tunu-hotuk lain neu.

1 TAWARIKH 11:18

Malanga solda'du matuaina ka 3-k sila-la lamanene dede'ak ndia boema, ala tola tunga hataholi Filistin-nala ofun dale, fo leu hela oe neme oedolu ndia mai, basa boema lenin leo Dauk neu. Tehu Dauk ta nau ninu fa, de ana po'a henin da'di neu tunu-hotuk neu Manetualain.

PENGKHOTBAH 4:12

Hataholi dua la'ok lakabubua soona, ala hapu sili-la musu mamain-na, tehu hataholi kisak-ka, mu'dak laiesak-kana ana kala. Tali telu natatalik da'di esa soona, ta mu'dak ketu fan.